Seriali i famshëm i viteve 2010 është gati për t’u rikthyer aty ku përfundoi tek shkallët e famshme të Metropolitan Museum of Art.
Në fotot e reja të shkrepura nga paparacët gjatë xhirimeve në New York, aktorët e rinj po punojnë për rikthimin e Gossip Girl. Fansat e serialit do ta njohin brenda 1 sekonde vendodhjen, si vendin e përhershëm ku Serena van der Woodsen (Blake Lively) dhe Blair Waldorf (Leighton Meester), takoheshin gjithnjë!
Ky prodhim i HBO-së do ta prezantojë botën me talente të reja të cilët janë përzgjedhur për të rikthimin e serialit më të famshëm për adoleshentë. Në disa prej fotove, dallohej qartë veshja e aktorëve të rinj dhe sigurisht, nëse e keni parë Gossip Girl e dini që këpucët e Blair dhe Serena-s kërkojnë pasardhës të denjë, por duke qenë se kostumografi është i njëjti, prisni të frymëzoheni sërish.