Asnjë surprizë e keqe nga Gjykatësi Sportiv për Zlatan Ibrahimovic dhe Romelu Lukaku pas derbit të zjarrtë të Kupës së Italisë. Si Suedezi, i përjashtuar për shumë kartonësh të verdhë, ashtu edhe belgu, i ndëshkuar me të verdhë dhe që rrezikonte skualifikimin, ia kanë hedhur me një raund skualifikim. Sulmuesi i Interit, si dhe shoku i tij i ekipit Hakimi, do të humbasin ndeshjen e parë gjysmëfinale kundër Juventusit. Por Prokuroria e FIGC dëshiron të shikojë raportin e arbitrave: gjithashtu mund të kërkojë provën TV dhe të thërrasë në seancë dëgjimore Ibran.
Nga raporti i arbitrit Valeri, nuk dolën detaje të tjera që do ta bënin më të rëndë dënimin për dy lojtarët, protagonistë në fushë në një përleshjeje autentike verbale të qetësuar nga drejtuesi i ndeshjes me një karton të verdhë për secilin. E verdhë që shkaktoi skualifikimin e Lukakut, që rrezikonte, ndërsa Ibra ishte përjashtuar pas një ndërhyrje të parregullt në fillim të pjesës së dytë ndaj Kolarov.
Sidoqoftë, nuk është e sigurt që historia mbaron këtu, Prokurori i Federatës Italiane të Futbollit (FIGC) ka kërkuar dhe do të shikojë raportin e Valerit, duke vlerësuar çdo mungesë të plotësisë në lidhje me atë që është shkruar nga arbitri dhe inspektorët: në këtë rast mund të kërkohet prova televizive dhe gjithashtu të thërrasë Ibrahimoviç për të dëgjuar versionin e tij të ngjarjeve.
Kessie (Milan) dhe Palomino (Atalanta) gjithashtu u skualifikuan për një raund.