Ai po vazhdon të jetë një nga reperët shqiptarë më të pëlqyer në tregun ndërkombëtar.
Fjala është për artistin me origjinë nga Kosova, Labinot Gashin, i cili tashmë njihet me emrin artistik si G4shi. Ai duket se po punon në një projekt të ri muzikor dhe lajmin e ka bërë të ditur përmes disa postimeve që ka ndarë në rrjete sociale.
Në bazë të paralajmërimeve, projekti i tij i ri duket se mban titullin “Don’t pass on love”. G4shi madje ka ndarë një video në Instagram ku shfaqet duke kërcyer dhe tregon se kjo pjesë është shkëputur nga projekti.