Në javën e 23 të Premier League, Leicester dështoi të arrinte vendin e dytë, duke mos shkuar përtej 0-0 ndaj Wolverhampton. Nga ana tjetër, Tottenham, lë pas tri humbje radhazi në kampionat dhe përkohësisht ngrihet në vendin e shtatë në renditje. Në New White Hart Lane, skuadra e Mourinhos mundi West Bromwich të parafundit 2-0 falë golave të Kane (54 ‘) dhe Son (58’).
WOLVERHAMPTON-LEICESTER 0-0
Ishte mundësia për të kapur Manchester United në vendin e dytë, por nuk u arrit: Leicester nuk bëri mjaftueshëm sa për të kaluar Wolverhampton në një ndeshje të shuar e gjithçka mbeti si më parë. Pjesa e parë në Molineaux nuk është saktësisht ajo që të skalitet në ditarin e kujtimeve, edhe sepse ekipi i Espirito Santo arriti, pas minutave të para, të imponojë ritmin e tij “portugez” në ndeshje, i vetëdijshëm për rreziqet që miqtë dinë të krijojmë. Ka vetëm dy mundësi aspak flagrante: depërtimi i bukur i Neto që nuk shfrytëzohet nga Traoré dhe një rrëmujë në zonën e Ujqve, të shpëtuar nga Castro. Pas çerek ore pushimi asgjë nuk ndryshoi dhe Leicester u përpoq të shpikë diçka pa imagjinatë ose ide. Nga ana tjetër, vendasit i besuan kundërsulmit, por sidoqoftë pati pak mundësi. Rodgers futi në lojë Vardy dhe situata u përmirësua pak, por topi më nxitës ishte për Fabio Silva, ballë për ballë me Schmeichel, që shpëtoi rezultatin. Shansi i vërtetë për miqtë erdhi vetëm në minutën e 92-të, por kthesa e bukur e Vardy përfundoi jashtë.
TOTTENHAM-WEST BROM 2-0
Tottenham del nga periudha shumë e errët e karakterizuar nga tre humbje të dhimbshme radhazi në Premier League dhe, me fitoren 2-0 kundër West Bromwich, rishikon zonën e Evropës. Spurs ishin dominues në gjysëmfushën e Baggies, por nuk arritën të shqetësojnë shumë miqtë. Lamela u përpoqe të befasojë Johnstone me një goditje me të majtën, por topi përfundoi mbi traversë. Pjesa e parë përfundoi me një aksion sulmues të të besuarve të Mourinhos: Lucas Moura, nga skaji i zonës, gjeti Kane në të djathtë, i cili goditi, por Johnstone u tregua i gatshëm. Portieri i WBA përsëritet edhe ndaj Aurier. Mundësitë e pashfrytëzuara nga Son dhe Lamela në fillim të pjesës së dytë janë vetëm paralajmërimi i golit që zhbllokoi ndeshjen në minutën e 54 për Spurs: Hojbjerg, nga 25 metra shërbeu për Kane në thellësi, me sulmuesin që mposhti Johnstone me të djathtën. Katër minuta më vonë, vendasit gjithashtu arritën të dyfishojnë: Lucas Moura kaloi gjithë gjysëmfushën kundërshtare dhe pasoi për Son, që nuk gaboi.
ENGLAND – PREMIER LEAGUE
Tottenham Hotspur 2 – 0 West Bromwich Albion
Wolverhampton Wanderers 0 – 0 Leicester City