Edhe FIFA i ka thënë jo Super League, por e bën atë në një mënyrë “të butë”. Federata ndërkombëtare ka lëshuar një deklaratë zyrtare që thotë: “Ne mund të shprehim vetëm mosmiratimin për një kampionat evropian, me sistem të mbyllur, jashtë strukturave ndërkombëtare të futbollit dhe duke mos respektuar parimet e lartpërmendura të solidaritetit, përfshirjes, integritetit dhe rishpërndarjes financiare”.
“Duke pasur parasysh shumë kërkesa nga media dhe siç është thënë disa herë tashmë, FIFA dëshironte të sqarojë se është e pozicionuar fort në favor të solidaritetit në futboll dhe një modeli të drejtë të rishpërndarjes që mund të ndihmojë futbollin të zhvillohet si një sport globalisht – lexohet në shënim lëshuar nga organizmi më i lartë i futbollit botëror -. Zhvillimi i futbollit global është misioni kryesor i FIFA-s. Në vizionin tonë, dhe në përputhje me statutet tona, çdo kompeticion futbolli, qoftë kombëtar, rajonal apo global, duhet gjithnjë të pasqyrojë parimet e solidaritetit, gjithëpërfshirjes, integritetit dhe një shpërndarje të drejtë të financave. FIFA mund të shprehë vetëm mosmiratimin e një modeli të kampionatit evropian që është i mbyllur jashtë strukturave të futbollit ndërkombëtar dhe nuk respekton parimet e përmendura më lart, gjithmonë në favor të unitetit në botë të futbollit dhe u kërkon të gjitha palëve të përfshira në diskutime kaq të nxehta të qendrojnë të qetë, të bëjnë dialog konstruktiv dhe të ekuilibruar për hir të lojës së futbollit, frymën e solidaritetit dhe Fair Play. FIFA do të bëjë gjithçka që duhet për të kontribuar në harmoni në interesin më të mirë të futbollit “.
KUNDËR EDHE ECA: “JEMI ME UEFA-n”
ECA, shoqata e klubeve evropiane të futbollit, ka lëshuar një deklaratë në lidhje me lindjen e një Super League, të kërkuar dhe krijuar nga 12 skuadra përfshirë Juventusin, Interin dhe Milanin, në të cilën shprehu kundërshtimin e saj ndaj idesë dhe përfshirjen e saj me UEFA-n për ristrukturimin, duke filluar nga 2024, të kompeticioneve evropiane. “ECA do të pozicionohet fort kundër asaj që media i referohet si Super League me numra të mbyllur,” shkruhet aty.
