Rita Ora ka nisur të shpenzojë akoma e më shumë kohë me regjisorin e famshëm, Taika Waititi, që nga momenti që lidhja e tyre është bërë publike. Madje gjërat mes dyshes janë bërë shumë serioze e kanë kaluar në një tjetër nivel.
“The Sydney Morning Herald” raporton se Rita është zhvendosur për të jetuar në shtëpinë e regjisorit 45-vjeçar në Sydney. Taika ndodhet aktualisht në qytetin më të madh të Australisë për të xhiruar pjesën e katërt të filmit “Thor”, të titulluar “Thor: Love and Thunder”.
Para pak ditësh, Rita dhe Taika u fotografuan shumë të lumtur në një drekë romantike me njëri-tjetrin dhe imazhet bënë xhiron e rrjetit. Sipas informacioneve, ata janë në lidhje prej më shumë se një muaji, ndërsa këngëtarja ka qenë në Sydney për spektaklin “The Voice”.