Rusia vendosi një rekord të ri ditor për rastet e koronavirusit, duke regjistruar 40,096 në 24 orët e fundit. U regjistruan zyrtarisht 1,159 vdekje.
Kryeqyteti rus Moska nisi sot masat e tij më të rrepta të bllokimit që nga qershori 2020. Bllokimi i pjesshëm, në të cilin vetëm dyqanet bazë si farmacitë dhe supermarketet dlejohen të qëndrojnë të hapura, ndërsa shkollat dhe kopshtet shtetërore mbyllur, vjen përpara një mbylljeje mbarëkombëtare të vendeve të punës nga 30 tetori.
Banorët e Moskës lejohen të largohen lirisht nga shtëpitë e tyre, ndryshe nga bllokimi i verës 2020, por masat e reja tregojnë për shqetësim në rritje midis zyrtarëve për numrin rekord të vdekjeve për të cilat Kremlini ka fajësuar shkallën e ngadaltë të vaksinimit.
Tom Balmforth dhe Lev Sergeev raportojnë për Reuters se kishte ndjenja të përziera për bllokimin në rrugët e Moskës. Disa banorë si Lyubov Machekhina thanë se mendonin se kjo padyshim do të ndihmonte në ngadalësimin e infeksioneve.
Të tjerë si Mikhail, një moskovit që nuk e dha mbiemrin e tij, shprehu dyshime se kjo do të kishte ndonjë ndikim të vërtetë pa vaksinimin e një pjese më të madhe të popullsisë ose pa imunitet tjetër.
“Për mendimin tim, nuk do të ndryshojë asgjë. Ndoshta, do të ngadalësojë pak përhapjen e rasteve, por në fakt, pa imunitet të tufës – është e pakuptimtë. Nuk besoj se do të funksionojë.”