• |
ide | kryesore

Inteligjenca ruse vë gishtin: Pas sulmit terrorìst në Moskë janë SHBA, Britania dhe Ukraina

Arkiva, Planet, Të fundit
Moskë



Drejtori i agjencisë më të fuqishme ruse të sigurisë (FSB) deklaroi sot se ai besonte se Ukraina, së bashku me Shtetet e Bashkuara dhe Britaninë, ishin të përfshirë në sulmin terrorist në sallën e koncerteve në Moskë ku u vranë të paktën 139 njerëz.

Ukraina, e cila ka mohuar në mënyrë të përsëritur çdo lidhje me sulmin terrorist, i hodhi poshtë akuzat ruse si gënjeshtra. Shteti Islamik (ISIS-K), degë e grupit militant ISIS që dikur mori kontroll territorial mbi disa zona të Irakut dhe Sirisë, mori përgjegjësinë për të shtënat masive. Por siç duket rusët nuk e besojnë plotësisht këtë.

“Ne besojmë se aksioni u përgatit nga vetë radikalët islamikë dhe u lehtësua nga shërbimet speciale perëndimore,” tha në televizion Alexander Bortnikov, drejtor i Shërbimit Federal të Sigurisë (FSB).

“Shërbimet speciale të Ukrainës janë të lidhura drejtpërdrejt me këtë (sulm),” tha Bortnikov. Shefi i FSB-së ruse shtoi se Kievi kishte ndihmuar në përgatitjen e radikalëve islamikë në një vendndodhje të paidentifikuar në Lindjen e Mesme.

(Alexander Bortnikov, drejtor i Shërbimit Federal të Sigurisë, FSB, institucioni që ka zëvendësuar KGB-në famëkeqe sovjetike)

Kur u pyet nga gazetarët rusë nëse Ukraina dhe aleatët e saj, Shtetet e Bashkuara dhe Britania, ishin të përfshirë në sulmin në sallën e koncerteve, Bortnikov pohoi.

“Ne mendojmë se kështu ka ndodhur. Në çdo rast, ne tani po flasim me informacionet që kemi. Ky është informacion i përgjithshëm.” – tha në mënyrë të paqartë Bortnikov.

Bortnikov, 72 vjeç, i cili ka shërbyer si kreu i FSB-së që nga viti 2008, tha se Rusia ende nuk i kishte identifikuar ata që urdhëruan në mënyrë specifike sulmin më vdekjeprurës brenda Rusisë të dy dekadave të fundit, por tha se do të merrej hak.

Bortnikov nuk ofroi prova specifike për pretendimin. Grupet e interesit radikale në Moskë mund ta përdorin këtë pretendim për të justifikuar një përshkallëzim të luftës në Ukrainë dhe për të shpjeguar se si shërbimet ruse të sigurisë nuk arritën të parandalonin sulmin.

Lapsi.al përgatiti të dielën një artikull që shpjegon në detaje se si Presidenti Vladimir Putin mund ta përdorë këtë sulm pikërisht për të rritur mobilizimin për një sulm më të ashpër në Ukrainë. Linkun e lajmit jua sjellim këtu.

Që kur Presidenti Vladimir Putin dërgoi ushtrinë në Ukrainë në vitin 2022, Kremlini e ka quajtur Perëndimin, dhe veçanërisht Shtetet e Bashkuara dhe Britaninë, si armiq, vendimi i të cilëve për të mbështetur Ukrainën në thelb i pozicionon këto dy shtete si palë në luftë me Rusinë.

Fajësimi i Ukrainës, linja e qartë e pushtetit rus

Gazeta ruse SHOT publikoi një video të një bisede në të cilin një gazetar pyeti Nikolai Patrushevin, sekretarin e Këshillit të Sigurimit të Rusisë, nëse ishte pas sulmit ishte ISIS (Shteti Islamik) apo Ukraina?

“Sigurisht Ukraina,” u përgjigj Patrushev, që është njeriu më i rëndësishëm i sigurisë në Rusi. I pyetur për deklaratën më vonë, ai tha se kishte “shumë” indikacione të përfshirjes së Ukrainës.

(Nikolai Patrushev, njeriu më i fuqishëm i sigurisë në Rusi)

Ndihmësi i lartë i presidentit ukrainas Mykhailo Podolyak hodhi poshtë pretendimet ruse si gënjeshtra.

“Gënjeshtrat janë përhapur zyrtarisht nga Patrushev, dhe më pas nga kreu i FSB Bortnikov,” tha Podolyak.

Në një koment për ngjarjen, Reuters i cilëson deklaratat e Patrushev dhe Bortnikov si një pasqyrë të të menduarit të elitës së Kremlinit. FSB-ja ruse është pasardhësja kryesore e KGB-së së epokës sovjetike dhe është një nga institucionet më të fuqishme të Rusisë.

Lexo më tej: Rusia mburret me torturat, çfarë tregoi sulmi terrorist në Moskë 

Ndërsa SHBA-të pretendojnë se kanë inteligjencën që konfirmon marrjen e përgjegjësisë nga ISIS për sulmin terrorist, Bortnikov deklaroi se nuk kishte informacion shumë konkret për inteligjencën amerikane.

Zëdhënësja e Këshillit të Sigurisë Kombëtare të SHBA-së, Adrienne Uatson, tha se Uashingtoni në fillim të këtij muaji ndau inteligjencën me Rusinë rreth një sulmi të planifikuar në Moskë.

Presidenti Putin foli për ngjarjen i bindur se radikalët islamistë ishin përgjegjës për ekzekutimet. Por tha se Rusia kërkon të dijë se kush ishte porositësi, duke lënë të kuptohej se dora pas sulmit të tmerrshëm ishte Ukraina.

“Ne e dimë se krimi është kryer nga dora e islamistëve radikalë me një ideologji që bota myslimane e ka luftuar me shekuj. Ne duam të dimë se kush e ka porositur atë” – u shpreh autokrati rus.

Përgatiti ©LAPSI.AL 



8 Comments

  1. Qe USA ka lidhje me ISIS-in, ky eshte fakt. Por kurrsesi nuk mendoj se ajo ka mundesi te diktoi operacione konkrete ISIS-it. Per me teper nuk ka asnje prove per perfshirjen e SHBA, madje nuk ka asnje prove per perfshirjen e vete ISISI-t. Personat qe u arrestuan nuk kane asnje lidhje as me SHBA-n as me vete ISIS-in.

  2. Maksimumi i kan lehtesuar veprimet. Po USA e paralajmeroi Putinin qe mund te ndodhte, ky u pergjigj qe genjejn se duan te mbjellin panik ne popullin rus. Tani dalin e thon e beri USA. Shtet fashist diktatorial varikars, pa opozit. Cfar pret, cfar te pjerdhi Putin do besojn dhe ruset. Pastaj te flasi Putin per terrorizem… qe i qiu ropt, u be pergjegjes per mbi gjys milioni njerez te vrar, si rus dhe ukrainas, apo ci qi ropt atyre. Nejse, Rusia nuk duhet te fitoj sepse behet precedent i keq, dhe nuk eshte fare ne interesin e shqiptareve fitorja e Rusis. Aq i duhet Bucicit qe te behet trim e ta provoj prap sumen me Kosoven.

  3. Ku di dihet, mbase e ka ber vet Putini. Jo USA, jo UK jo Ukraina. Nuk do ishte cudi ta bente vet se nuk do ishte hera e par. I ka ber vet dhe kur vendosi zgjidhjen perfundimtare per Cecenin. et i bente dhe ua ngecte ceceneve, ka shum dokumentare per kete. Pastaj me keto justifikoi nderhyrjen brutale ne Ceceni derisa vuri nje kukull te veten dhe atje. Tani thot e ka ber Ukraina, dhe ka mundesi qe me kete pretekst te ashpersoj ligjet per te vazhuar sundimin brutal, te therras per mobilizim popullsin e ne emer te hakmarrjes tu kerkoj sakrifica me te medha popullit dhe te vazhdoj i qet luften edhe per ca shum vite te tjera (te mos harroj se e ka strategji, kush e zgjat e fiton).

  4. Të besosh se ç’thonë rusët duhet të jesh rus.
    Amerika e Europa nuk kanë interes të shkatërrohet Rusia e as Kina sepse me shumë vlen bashkëpunimi se sa përplasja e armatosur. Dhe ndihmat ndaj Ukrainës i ka dhënë në atë masë që Rusia mos t’a pushtonte duke menduar të kalojë kohë e ndoshta reflektojnë.
    Për këtë gjë dhe ndihmat tani dhe janë të vonuara.
    Por siç shihet kjo vështirë se ndodh. Putini nuk ndryshon.
    Pra Rusia duhet të mundet dhe Ukraina tani po përpiqet të rrisë efektivitetin duke asgjësuar flotën ajrorë,detare siç po shihet këto një muaj dhe e ka arritur qëllimin.
    Por suksesin më të madh e ka arritur me shkatërrimin e rafinerive duke goditur ekonominë kryesore të Rusisë.

  5. Keta muzhiket jane te papare per te inskenuar!

    Per cudi, keta te ISIS rralle jane kapur te gjalle!

    Mjer popujt, mish per top!

  6. ketyre duhet ti shkerllehet i gjithe farefisi kombi me i poshter ne bote bashke me moterqirat e tyre serb

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *