Aventura e re e Cristiano Ronaldos në Manchester nuk po shkon siç shpresonte portugezi, si në nivel ekipor, me Djajtë e Kuq aktualisht jashtë zonës së Ligës së Kampionëve, ashtu edhe në nivel individual, me 8 gola në 20 ndeshje të Premier League dhe në Angli kanë nisur të qarkullojnë zërat për një lamtumire të mundshme në verë.
Në fakt, duket se janë më shumë se thjesht zëra dhe sipas The Sun, CR7 nuk ka ndërmend të vazhdojë aventurën në Angli në rast të dështimit të Manchester United për t’u kualifikuar në Champions League dhe menaxheri i tij Jorge Mendes tashmë ka nisur të diskutojë me drejtuesit e rinj të klubit për këtë situatë.
Në rast lamtumire, sipas asaj që thuhet, për CR7 në rreshtin e parë të të interesuarve është Paris Saint-Germain, i cili në verë do t’i thotë lamtumirë Mbappé dhe kërkon ta zëvendësojë pikërisht me portugezin, edhe për të bërë për herë të parë bashkë pas 15 vitesh rivalitet të egër Ronaldon me Messin.