Një makinë është djegur në orët e para të mëngjesit të së martës në lagjen “Kushtrimi” në Vlorë. Mjeti tip Mercedes Benz është shkrumbuar rreth orës 3:40 të mëngjesit. Sipas informacioneve paraprake bëhet fjalë për zjarrvënie të qëllimshme, por pronari i makinës, i identifikuar si L.M., nuk ka precedentë të mëparshëm penal dhe as nuk dyshohet nga policia si person problematik.
Grupi hetimor po punon për zbardhjen e rrethanave dhe gjetjen e autorit.