Eshtrat e gjetura një ditë më parë në fshatin Kreshovë të Kolonjës, dyshohet se i përkasin 29-vjeçarit Sherif Mukaj.
Ai rezulton i zhdukur që nga 1 nëntori i vitit të kaluar kur familja bëri denoncim në polici. Trupi i dekompozuar u gjet nga 2 barinj të zonës në afërsi të kufirit me Greqinë.
Mediat raportojnë se pranë viktimës është gjetur një aparat celular Nokia, një palë çelësa dhe një xhupi i ngjashëm me atë që kishte veshur viktima.
Të njëjtat burime thonë se çelësat që janë gjetur pranë trupit të viktimës kanë hapur dyert e shtëpisë së tij.
Policia ka kontaktuar familjarët e 29 vjeçarit, të cilët kanë konfirmuar bisedimet me uniformat blu, por po presin daljen e ekspertizës.
Është ende i paqartë shkaku i vdekjes ndërsa në polici janë shoqëruar 5 persona. ©LAPSI.al