Edhe reperi Marshall Mathers, i njohur nga të gjithë si Eminem, e ka pasur një periudhë të errët në jetën e tij.
Dikur, ai ishte në gjendje agonie dhe nuk po jepte më të mirën në muzikë. Konsumonte lëndë narkotike dhe një herë desh humbi jetën.
49-vjeçari ka treguar se ishte në luftë me varësinë ndaj drogës kur u shtrua në spital në Dhjetor të vitit 2007, pas një mbidoze metadon.
Reperi ka treguar se i është dashur kohë që truri i tij të funksiononte sërish.
Eminem u shtrua në rehabilitim të Prill të vitit 2008, ndërsa mjekët testuan medikamente për të ndihmuar në stabilizimin e gjendjes së tij.
Reperi pranoi në një intervistë për “Vulture” në vitin 2017, se muzika që ai krijoi ndërsa po luftonte me varësinë nuk ishte më e mira e tij. Njerëzit mendonin se ai i kishte shkaktuar vetes dëmtim të trurit, pasi këngët e tij nuk ishin aty ku duhej.
Fansat kishin pritshmëri më të larta për reperin, i cili mezi po dilte nga gjendja e tij.
Njerëzit ishin të zhgënjyer me Marshall Mathers, pasi deri atë kohë ai kishte dhënë më të mirën e tij, ndërsa tani as nuk i afrohej talentit që më herët kishte treguar.