• |
ide | kryesore

Cristiano Ronaldo nuk dorëzohet: “Dua të jem në Euro 2024”

-Instant, Sport
Cristiano

Pavarësisht dy viteve të fundit të vështira, Cristiano Ronaldo nuk ka ndërmend të heqë dorë nga të luajturit futboll. Këtë e ka konfirmuar vetë sulmuesi portugez, duke saktësuar se, në moshën 37-vjeçare synon të vazhdojë karrierën të paktën deri në Euro-2024. “Udhëtimi im nuk ka përfunduar ende – tha CR7, i cili mori çmimin Quinas de Ouro si golashënuesi më i mirë i dhënë nga Federata Kombëtare Portugeze -. Dua të jem i pranishëm në Kampionatin Botëror (2022) dhe në Kampionatin Evropian (2024). Ndihem shumë i motivuar. Ambicia ime është e madhe”.


Lexo më tej: Ronaldon refuzon ofertën e çmendur: CR7 i tha “jo” 242 milionë eurove për dy sezone


Në moshën 37-vjeçare, kapiteni portugez ka 189 paraqitje dhe një rekord botëror për gola me kombëtaren, 117. Nëse konfirmohet prania e tij në Botërorin e Katarit, ai do të luajë atje turneun e tij të 10-të ndërkombëtar. Pas kthimit te Manchester United në vitin 2021, Cristiano Ronaldo pati një fillim të komplikuar në sezonin 2022-23, edhe për shkak të ‘uljes’ së tij në pankinë.

Jo vetëm kaq. Cristiano Ronaldo, në fitoren 3-0 të Portugalisë ndaj Katarit, në atë miqësore të luajtur mes tyre, vendosi një rekord të ri. CR7 u bë lojtari me më shumë paraqitje në një kombëtare evropiane, duke mposhtur spanjollin Sergio Ramos. Lojtari i Manchester United kryeson edhe me gola, duke i rrëmbyer rekordin e mëparshëm iranianit Ali Dei me 109 realizime.


Lini një Përgjigje

Adresa juaj email s’do të bëhet publike.