Përfaqësuesit ligjorë të kolegjeve “Turgut Ozal”dhe kopshtit “Zübeyde Hanım” kanë reaguar pas vendimit për të mbyllur institucionet e tyre. Kujtojmë se ministrja e Arsimit, Kushi përdori pretekstin se institucioni ka bërë një sërë shkeljesh ligjore.
Ndërkohë përmes një deklarate për shtyp, drejtuesit e këtij institucioni arsimor bëjnë me dije se shkak për këtë vendim është bërë ndryshimi i vendndodhjes së kopshtit. Ata tregojnë se muajt e fundit, institucioni ishte bërë objektiv i inspektimeve pa fund nga ana e inspektorëve të arsimit. Zyrtarët e “Zübeyde Hanım” shprehen se në raportet e inspektimit konstatohet se ky kopsht përmbush të gjithë kriteret e ligjshmërisë. Po ashtu është lënë rekomandim nga inspektorët marrja e miratimit për ndryshimin e vendndodhjes së kopshtit. Kjo procedurë ka gjetur mbështetjen dhe gatishmërinë e plotë të Shoqërisë “Turgut Ozal” për ta zbatuar.
Në reagim, zyrtarët hedhin dyshime të forta mbi qëllimet e vërteta të mbylljes së shkollave. Sipas tyre, kjo situatë nuk ka të bëjë me plotësimin e standardeve, pasi ambientet e kopështit janë ndër më modernët. Në zbatim të rekomandimeve, kopshti jopublik “Zubeyde Hanim” në mënyrë të përsëritur ka aplikuar për marrjen e miratimit duke filluar muaji shkurt. Megjithatë kjo procedurë është refuzuar nga MAS. Inspektimet kanë ardhur pasi autoritetet kanë vendosur mbylljen e kopshtit. Kështu duke mos i miratuar ndryshimin e vendit të aktivitetit kanë gjetur një artificë për të mbyllur aktivitetin.