Lazio përballet me Sturm Graz sonte në Olimpico. Një ndeshje themelore për bardhekaltrit, në një grup F ku mbretëron ekuilibri. Të gjitha skuadrat kanë ngecur në 4 pikë e një fitore mund të ndryshojë hierarkitë. Sarri edhe një herë mbështetet te golashënuesi dhe kapiteni i tij Ciro Immobile. Sulmuesi i bardhekaltërve me një gol do të arrinte një tjetër rekord me fanellën e Lacios.
Pas rifitimit të kreut të golashënuesve më të mirë në Serie A, Ciro dëshiron të zhbllokohet edhe në Europa League. Deri më tani kapiteni i Lazios nuk ka arritur të shënojë në tre ndeshjet e para të grupit. Iu afrua kundër Sturm në ndeshjen e parë, por VAR i mohoi atij gëzimin. Sinjalizimi ishte për një pozicion jashtë loje pothuajse në limit. Statistikat në Europa League janë gjithësesi të shkëlqyera: 15 gola në 28 paraqitje. Në total, janë 20 gola në 33 ndeshje duke marrë parasysh edhe Ligën e Kampionëve. Duke shënuar sonte, Immobile do të bëhej golashënuesi më i mirë evropian në historinë e Lacios. Rekordi do të linte pas ish-trajnerin e tij Simone Inzaghi, i cili ka arritur deri në kuotën 20.
Lexo më tej: Immobile dërgon Sarrin në vendin e 5°: sulmuesi kalon Piolën si shënuesi më i mirë i Lazios
Immobile është bërë edhe më shumë një pikë referimi, si në fushë ashtu edhe në dhomat e zhveshjes. Deri më tani ai ka startuar gjithmonë në të gjitha ndeshjet e sezonit të Lazios. Sulmuesi ka humbur vetëm gjysmë orën e fundit ndaj Spezias, pas rikthimit nga dëmtimi.