Queen ka publikuar së fundmi këngën e re me vokalin e këngëtarit e të ndjerë, Freddie Mercury.
Lajmet për këngën “Face It Alone” u konfirmuan verën e kaluar, pasi kitaristi i Queen, Brian May dhe bateristi Roger Taylor e bënë njoftimin gjatë një interviste në qershor.
“Face It Alone” është një “perlë e vogël nga Freddie”, tha Taylor. Kënga u regjistrua për herë të parë nga sesioni i grupit për albumin e tyre të 13-të në studio, “The Miracle”, i cili u publikua në 1989. Megjithatë, projekti nuk bëri kurrë një debutim. Kënga ishte “disi e harruar”, pranoi Taylor në intervistë, por e quajti atë një “zbulim të mrekullueshëm” dhe “të vërtetë”.
Mercury vdiq në vitin 1991 në moshën 45-vjeçare nga komplikimet e lidhura me SIDA-n. Kënga emocionale fillon me vokalin e Merkurit. “Kur diçka kaq e afërt dhe e dashur për jetën, shpërthen brenda. Ti ndjen shpirtin tënd teksa digjet ,” këndon Mercury. Refreni përfshin tekstin “Në fund, duhet t’i përballosh të gjitha vetëm”.
Albumi i grupit të vitit 2014, “Queen Forever”, përfshinte tre këngë të papublikuara më parë me Mercury. “Jam i lumtur që ekipi ynë ishtenë gjendje të gjente këtë këngë (“Face It Alone”)”, përfundoi May. /Lapsi.al
Marrë nga : Fox News