Tani mund të blini atlete 1200 dollarë…për kuajt. Nëse keni dashur ndonjëherë Adidas në madhësinë e kalit, jeni me fat. Por do t’ju duhet të shpenzoni mbi 1000 dollarë për një palë atlete kuajsh të personalizuara.
Marcus Floyd, një artist filloi zhvillimin e prototipit për një atlete kali si pjesë e një bashkëpunimi me VisitLex, agjencia publike e turizmit në Lexington.
VisitLex kontaktoi Floyd-in përpara Kupës së Breeder’s, një seri garash kalërimi të mbajtura në Lexington më 4 dhe 5 nëntor.
“Iniciativa e tyre ishte të ndërgjegjësonin shtetin Bluegrass, si Kentaki në tërësi,” shpjegoi ai për CNN.
Floyd, një “kokë atlete” e vetë-përshkruar për një kohë të gjatë. kishte përvojë të mëparshme me dizajnimin dhe modifikimin e këpucëve. Ai ndoqi një program intensiv katër-ditor të quajtur Akademia SRGN e Kirurgut të Këpucëve për të mësuar se si të dekonstruktohen dhe rindërtohen atletet.
Ndërtimi i çdo grupi këpucësh kërkon deri në 17 orë, sipas Floyd. Ai filloi me blerjen e vetë atleteve si psh, një palë këpucë klasike Air Jordan.
Më pas ai i zbërtheu ato, duke i shkëputur me kujdes secilën pjesë përpara se të rikrijonte atletet në majë të një çizme mbrojtëse të parapërgatitur për kuajt. Ai u përpoq të mbante dizajnin të saktë, duke përshtatur gjithashtu formën e kyçit të këmbës dhe thundrës së një kali.