Policia Rrugore e Tiranës ka vijuar kontrollet për parandalimin e aksidenteve dhe shkeljeve të qarkullimit rrugor.
Bëhet me dije se gjatë kontrolleve në të gjitha akset rrugore të Tiranës janë vënë në pranga 15 drejtues mjetesh.
Detaje nga policia:
Kontrolle të shtuara në të gjitha akset rrugore, me qëllim rritjen e parametrave të sigurisë rrugore në kryeqytet. Vihen në pranga 15 drejtues mjetesh.
-Tentoi të korruptonte punonjësit e Policisë Rrugore, pasi qarkullonte me motomjet, ndërkohë që ishte me masë sigurie “Arrest në shtëpi”, për veprën penale “Korrupsioni aktiv i personave që ushtrojnë funksione publike”, vihet në pranga 37-vjeçari.
Gjatë vitit 2022 janë goditur 182 raste të tentativës për të korruptuar punonjësit e Policisë.
Shërbimet e Policisë Rrugore, në vijim të kontrolleve në akset rrugore të kryeqytetit, kanë ndaluar motomjetin me drejtues shtetasin E. M. Ky shtetas ka tentuar të korruptojë punonjësit e Policisë, duke iu ofuar atyre një shumë parash, duke qenë se kishte thyer masën e sigurisë “Arrest në shtëpi”, të caktuar nga Gjykata, për veprën penale “Korrupsioni aktiv i personave që ushtrojnë funksione publike”. Në përfundim të veprimeve u bë arrestimi në flagrancë i shtetasit E. M., 37 vjeç, banues në Tiranë.
-Gjatë 24 orëve të fundit janë vënë në pranga edhe 14 drejtues të tjerë mjetesh, për shkelje të rregullave të ndryshme të qarkullimit rrugor dhe drejtim automjeti në mënyrë të parregullt.
Konkretisht, specialistët e Qarkullimit Rrugor kanë arrestuar 14 shtetas, nga këta: 8 shtetas, pasi u kapën duke drejtuar mjetet përkatëse, në gjendje të dehur; 3 shtetas, pasi u kapën duke drejtuar motomjetet përkatëse, pa leje drejtimi; 2 shtetas, pasi duke drejtuar mjetet përkatëse, në gjendje të dehur, kanë humbur kontrollin dhe për pasojë mjetet kanë dalë nga rruga; 1 shtetas, pasi duke drejtuar mjetin në gjendje të dehur, është përplasur me një mjet tjetër.
Materialet i kaluan Prokurorisë, për veprime të mëtejshme procedurale.
Fillimisht,policia duhet te denohet,qe nuk e kane kontrolluar te denuarin me arrest ne shtepi.Kjo eshte detyra e pare e policise,por qe ajo “harron”t’a kryej.Vetem nese i del “krejt rastesisht”,si rasti ne fjale,e kapin policet e rrugores.Sic ka qejf t’a thote shpesh Rama,kjo eshte thjesht produkt,jo per policine ,por edhe per te gjithe kete pushtet “rrumpalle”.
Kjo është e vetmja gjë që bën policia e Sajmirit në shtetin e Edvinit….
Kriminelëve as mund t’u afrohen..
Kapin ndonjë shofer që ka pirë një gotë…