Chris Evans ka fituar titullin e revistës People për vitin 2022 “Mashkulli më i bukur”. Aktori reagoi ndaj lajmit duke i treguar revistës se pret që miqtë e tij ta ngacmojnë për emërtimin, ndërsa nëna e tij do jetë e lumtur me titullin e ri të djalit të saj.
“Do më ngacmojnë”, tha Evans. “Mamaja ime do të jetë shumë e lumtur. Ajo është krenare për gjithçka që bëj. Por, kjo është diçka për të cilën ajo mund të mburret me të vërtetë.” Ai shtoise do ta ruajë titullin ” për gjithë jetën. “Është diçka që, ndërsa plakem mund të shikoj prapa dhe të them ‘Më kujtohet atëherë’. Unë jam me fat që më përfshin.”
Aktori u bë i famshëm me rolin e tij si superheroi Johnny Storm në dy filma “Fantastic Four” të lëshuar në 2005 dhe 2007. Karriera e tij mori hov, megjithatë, kur luajti “Captain America: The First Avenger” në 2011. Ai e riprodhoi rolin në 10 filma të Marvel duke përfunduar në 2019 me “Avengers: Endgame”.
Kohët e fundit, ai u bë zëri i Buzz Lightyear në filmin “Lightyear” të Pixar dhe luajti zuzarin përballë Ryan Reynolds në “The Grey Man” të Netflix.
Meshkuj të tjerë të shpallur në të kaluarën janë Michael B. Jordan, John Legend, Dwayne Johnson, Idris Elba, Adam Levine, Richard Gere, Channing Tatum dhe David Beckham./Lapsi.al