Këshilli i Lartë i Prokurorisë ka miratuar listën për kandidatët për drejtues të SPAK-ut. Komisioni i Zhvillimit të Karrierës pasi ka marrë aplikimin e 3 kandidatëve (Adnan Xholi, Altin Dumani dhe Edvin Kondili) ka arritur në përfundim se ata nuk kanë masa disiplinore në fuqi dhe se kanë paraqitur platformën e tyre.
KLP bën me dije se Xholi, Dumani dhe Kondili plotësojnë kushtet ligjore për të vazhduar garën për kreun e SPAK. Ky vendim është miratuar nga KLP me 10 vota pro, në mungesë të anëtares Esmeralda Keshi.