Një 66-vjeçar është arrestuar në Lushnje. Ai ka goditur me thikë në gjendje të dehur punonjësin e një fast-food-i. Ngjarja ka ndodhur rreth orës 12:40 në lagjen “Xhevdet Nepravishta”. I plagosuri, 22-vjeç, po merr mjekim në spitalin e Lushnjës, ku edhe ndodhet jashtë rrezikut për jetën.
NJOFTIMI I PLOTË:
Lushnjë
Goditi me thikë 22-vjeçarin, gjatë një konflikti të çastit, vihet në pranga autori. Rreth orës 12:40, në ambientet e një fast food-i, në lagjen “Xhevdet Nepravishta”, dyshohet se gjatë një konflikti të çastit, për motive të dobëta, shtetasi A. C., 66 vjeç, në gjendje të dehur, ka goditur me mjet prerës (thikë), shtetasin L. M., 22 vjeç, kamarier në këtë fast food. Menjëherë pas marrjes së njoftimit, shërbimet e Policisë kanë kapur dhe shoqëruar shtetasin A. C., në Komisariat. Shtetasi L. M. po merr mjekim në spitalin e Lushnjës. Po kryhen veprimet nga grupi hetimor, për zbardhjen e plotë të rrethanave të ngjarjes.