Pritje e ethshme në Arabinë Saudite për ardhjen e Cristiano Ronaldo. Sulmuesi do të luajë deri në vitin 2025 për Al-Nassr. CR7 do të zbarkojë në Riad në mbrëmje, ai do t’i nënshtrohet vizitave mjekësore të martën dhe më pas do të prezantohet zyrtarisht. Kampioni portugez mund të debutojë me skuadrën e re më 5 janar, në ndeshjen në Riad kundër Al Tàee. Megjithatë, më parë trajneri Rudi Garcia dëshiron të kontrollojë gjendjen fizike të Ronaldo, i cili po stërvitet individualisht që pas kthimit nga Botërori i Katarit.
Përndryshe, Cristiano Ronaldo, në pritje të indikacioneve nga Rudi Garcia, mund të luajë minutat e tij të para me Al-Nassr në ndeshjen e 14 janarit kundër Al-Shabab. Tifozët euforikë arabë, presin mbërritjen e CR7. Vërshimi i tyre drejt dyqaneve të skuadrës për të rrëmbyer një fanellë me numrin 7 ka qenë i jashtëzakonshëm. Manifestime e dashurisë kunddrejt portugezit mbërritën, në fakt, edhe gjatë ndeshjes së fundit të vitit të Saudi Pro League. Nga tribunat e stadiumit disa herë u dëgjuan koret për kampionin: “Ronaldo” dhe “Siuuu”.
Lexo më tej: Arabia Saudite, CR7 njeriu imazh për Botërorin 2030: një biznes prej 1 miliardë euro e nga 2025 si ambasador
LOJTARI MË I PAGUAR I HISTORISË
Ronaldo në Arabinë Saudite do të bëhet lojtari më i paguar i historisë. 38 vjeçari do të përfitojë 200 milionë euro në vit te Al Nassr. Klubi është 9 herë kampion i Ligës Pro Saudite. Klubi tha se Ronaldo do të “frymëzojë ligën, kombin dhe brezat e ardhshëm, djemtë dhe vajzat që të jenë versioni më i mirë i vetes”. Në verë, Ronaldo refuzoi një marrëveshje prej 400 milionë eurosh për t’u bashkuar me një ekip tjetër saudit, Al Hilal. CR7 në atë kohë tha se ishte i lumtur te United nga i cili u largua pas pak muajsh.
Në nëntor, sulmuesi foli në një intervistë me Piers Morgan për TalkTV, ku tha se ndihej i “tradhtuar” nga United. Ai shtoi se nuk e respektonte menaxherin Erik ten Hag dhe se po detyrohej të largohej nga klubi. Ronaldo, i cili shënoi 145 gola në 346 paraqitje për United, u largua nga Juventusi për t’u ribashkuar me klubin Old Trafford në gusht 2021, 11 vjet pasi u largua për t’iu bashkuar Real Madrid.