Jeremy Renner është ‘jashtë operacionit’, por mbetet në gjendje kritike pas një aksidenti të tmerrshëm gjatë pastrimit të borës. Aktori i Avengers, u transportua me helikopter në spital.
Zëdhënësi i Renner konfirmoi se ai “pësoi traumë në gjoks dhe lëndime ortopedike”. Ai është në kujdes intensiv në një “gjendje kritike por të qëndrueshme” pas operacionit. Deklarata shton: “Familja e Jeremy dëshiron të shprehë mirënjohjen e saj për mjekët dhe infermierët e jashtëzakonshëm që kujdesen për të, Truckee Meadows Fire and Rescue, Sherifin e Qarkut Washoe, Kryebashkiakun e qytetit Reno Hillary Schieve dhe familjet Carano dhe Murdock.
“Ata janë gjithashtu jashtëzakonisht të tronditur por vlerësues për dashurinë dhe mbështetjen nga fansat e tij”. Aksidenti ndodhi pranë autostradës Mount Rose, në kontenë Washoe në Nevada. Zyra e Sherifit të Qarkut Washoe në Nevada tha në një njoftim për shtyp se po heton incidentin.
Renner është më i njohur për luajtjen e Hawkeye në Universin Kinematik të Marvel, duke filluar me Thor (2011) dhe The Avengers (2012). Së fundmi ai luajti personazhin në serialin Disney+ Hawkeye. Ai u nominua për një çmim Oscar për shfaqjet e tij në The Hurt Locker (2008) dhe The Town (2010). Gjithashtu është shfaqur në Mission: Impossible – Ghost Protocol (2011), American Hustle (2013) dhe Mission: Impossible — Rogue Nation (2015)./Lapsi.al