Dy ndeshjet pasditen e javës së 17 të La Liga dhuruan rezultate interesante. Almeria dhe Atletico Madrid barazuan 1-1. Skuadrës së Diego Simeone nuk i mjaftoi goli i Correas në minutën e 18′. Toure barazoi në minutën e 37, ndërsa Morata humbi shansin për golin e fitores. Një barazim i hidhur për Colchoneros, të cilët nuk shkëputen dot nga rivalët e tyre. Një fitore e rëndësishme ndërkohë për Espanyol. Joselu (6′) dhe Puado (62′) venitën barazimin momental të Unalit (7′), duke mposhtur 2-1 Getafe.
ALMERIA – ATLETICO MADRID 1-1
Barazimi 1-1 i Atletico Madrid në Almeria është një befasi. Skuadra e Simeone gjeti golin e 1-0 me Correan në minutën e 18′. Sulmuesi mposhti Martinez dhe festoi golin e katërt në La Liga. Në minutën e 33′ Kondogbia dyfishoi rezultatin, por arbitri e anuloi për pozicion jashtë loje. Pak më vonë erdhi barazimi i andaluzianëve, falë goditjes me kokë të Toure në minutën e 37′. Pjesa e dytë rifilloi me sulmuesin malian që kërkoi golin e avantazhit, por këtë herë goditja e tij përfundoi lart. Me kalimin e minutave, u shfaqën individualitetet e miqve, por Morata humbi rastin e bujshëm për gol në minutën e 73′. Martinez ishte i mahnitshëm ndaj spanjollit e u përsërit edhe ndaj Correas. Në fund, përjashtimi i Reguilon çertifikoi një të diel të hidhur për Atletico Madrid. Colchoneros morën barazimin e katërt sezonal dhe arrijnë në 28 pikë. Pikë e çmuar për Almeria, që ngjitet në kuotën e 18 pikëve.
GETAFE – ESPANYOL 1-2
Fitore në transfertë për Espanyol që mundi Getafen 2-1. Skuadra e Martinez kaloi menjëherë në avantazh. Joselu në minutën e 6′ lëshoi një parabolë nga mesfusha të paarritshme për Soria. Reagimi i vendasve ishte i zemëruar dhe pas pak minutash erdhi barazimi me Unal. Diagonalja e tij ishte e saktë duke i cuar shifrat në 1-1. Ndeshja ishte me ritëm dhe e hapur, por në minutën e 62′ Puado shënoi duke befasuar portierin. Në minutën e 85′ vendasit shkuan afër barazimit, por goditja me kokë e Duarte kaloi pak mbi traversë. Tashmë Getafe dhe Espanyol janë të barabartë në renditje me 17 pikë. Por vetëm +2 nga zona e rënies e në shoqërinë e Celta Vigo dhe Valladolid.