Real Madrid arrin finalen e Botërorit të klubeve, duke thyer 4-1 Al Ahly në gjysëmfinale të turneut. Rezultati megjithatë u rrumbullakos vetëm në finalen e ndeshjes me dy gola të Blancos në shtesë. Egjiptianët bënë shumë pak për të siguruar finalen ndaj Al Hilal, që do të zhvillohet më datën 11 shkurt në orën 20:00. Spanjollët i dhanë drejtim ndeshjes me Vinicius e Valverde. Pas penalltisë së shndërruar në gol nga Malul, që rihapi ndeshjen në të 65′, ishte radha e Modric të mbyllte historinë 3 minuta nga fundi. Kroati gaboi, por në shtesë Rodrygo dhe Arribas fiksuan pokerin.
Pas një momenti të komplikuar në La Liga, që pa Barcelonën të shkëputet, skuadra e teknikut Ancelotti nuk e vuri në diskutim kualifikimin. Vinicius Junior zhbllokoi sfidën në minutën e 42′. Por brazilianit i hapi rrugë një gafë skandaloze e mbrojtjes egjiptiane. Në pjesën e dytë historia nuk ndryshoi, me merengues që kishin inisiativën dhe sapo rinisi ndeshjen, dyfishoi me Valverde.
Lexo më tej: Video/ Muriqi e Mallorca trondisin Real Madrid: autogoli i Nacho dhe penalltia e humbur e Asensio fundosin Blancos
Praktikisht nuk kishte më ndeshje. Por Al Ahly u kthye në lojë pas një penalltie të shndërruar në gol nga Malul në minutën e 65′. Për të mos rrezikuar, Real Madrid rriti lojën dhe mund të mbyllte historinë në minutën e 87′. Modric humbi mundësinë nga pika e bardhë duke u ndalur nga portieri El Shenawy. Në shtesë, pati kohë për dy gola të shpejtë të Blancos. Rodrigo dhe Arribas kompletuan pokerin dhe lanë takim me Al Hilal në finale.