Ferran Torres (25 paraqitje dhe 3 gola këtë sezon) është një nga profilet më interesante në futbollin spanjoll. 22 vjecari u evidentua me fanellën e Valencias, klubi në të cilin u rrit futbollistikisht. Performanca e tij mes viteve 2017 dhe 2022, tërhoqi vëmendjen e Pep Guardiola. Më pas erdhi kalimi te Manchester City ku megjithatë qëndroi vetëm një vit e gjysmë. Në fakt, telefonata nga Barcelona mbërriti në janar 2022, por për Ferran ishte fillimi i një makthi.
Sipas asaj që raportohet nga Mundo Deportivo, Ferran Torres i ka rrëfyer sekretin e tij disa gazetarëve, pranë cështjeve blaugrana. Sulmuesi ka pohuar se ka kaluar një fazë jashtëzakonisht të komplikuar në muajt e parë te Barcelona: “Unë u largova nga Premier për të ardhur këtu, por askush nuk dukej se e vlerësonte. Kur mbërrita, ekipi ishte i nënti në kampionat dhe kisha vetëm një obsesion, të shënoja gola. Ishte bërë një mendim i vazhdueshëm dhe nuk isha më në gjendje të zbavitesha”.
Lexo më tej: Barcelona bën blerjen e parë: Ferran Torres kalon vizitat mjekësore, 55 milionë euro për City
“NJË PUS PA FUND”
Historia e Feran Torres më pas futet në sferën personale: “Hyra në një pus pa fund dhe nuk pashë rrugëdalje. Humba vetëvlerësimin dhe vetëbesimin. Ishte një kohë e tmerrshme”. Më pas, lojtari u bind se duhej të kërkonte ndihmë: “Në atë moment kuptova se më duhej një dorë për të dalë nga ajo situatë. E iu drejtova një psikologu. Ishte shumë e rëndësishme për mua. Ai më ndihmoi të kaloja një moment të vështirë dhe më në fund po argëtohem sërish”.