Biden nga Varshava: NATO është më e fortë se kurrë

Joe Biden ndodhet prej ditës së djeshme në Poloni, ndërsa sot është pritur në pallatin presidencial në Varshavë nga presidenti i vendit, Andrej Duda.

Në deklaratat që bëri pas takimit, presidenti amerikan falënderoi homologun e tij polak për angazhimin e vendit të tij për të mbështetur popullin e Ukrainës, ndërsa shprehja që zgjodhi për të përshkruar marrëdhëniet midis dy shteteve ishte tipike: “kritike”.

Biden tha se sot marrëdhëniet me Ukrainën janë në një “pikë më të mirë se në të kaluarën” dhe u bëri thirrje vendeve të NATO-s që të mbajnë fokusin në këtë drejtim.

“E bëra të qartë se angazhimi i Shteteve të Bashkuara është real dhe një vit më vonë do të thosha se NATO është më e fortë se kurrë”, shtoi Biden.

“Unë mund të them me krenari se mbështetja jonë për Ukrainën mbetet e palëkundur,” shtoi ai, duke e quajtur mbështetjen e Polonisë për Ukrainën “me të vërtetë të jashtëzakonshme” dhe duke falënderuar vendin për pritjen e më shumë se një milion refugjatëve ukrainas.

“Lidhja midis polakëve dhe amerikanëve është jashtëzakonisht e fortë dhe e thellë,” vuri në dukje presidenti amerikan dhe shtoi: “Ne kemi shumë sfida për të përballuar, por kam besim se mund t’ia dalim së bashku”.