Sulm sensacional nga Sébastien Frey ndaj Gianluca Mancini. Ish-portieri francez është kthyer të flasë për ndeshjen mes Romës dhe Juventusit. Më në detaje, ish-portieri i Inter ka komentuar përjashtimin e Moise Kean. Sulmuesi bardhezi është ndëshkuar me karton të kuq për goditjen nga pas me shkelm ndaj Gianluca Mancini. E gjitha më pak se një minutë pasi ai hyri në fushë. Në fakt, të dy u futën në kontrast me njëri-tjetrin dhe pastaj reagimi i Kean u ndëshkua.
Sot, Sébastien Frey nuk ngurroi të bënte një sulm shumë të ashpër ndaj Gianluca Mancinit gjatë transmetimit të Bepi TV, në Twitch: “Gjesti i Kean është i gabuar dhe duhet dënuar. Por në vend të tij unë do ta kisha goditur edhe më fort. Sepse më parë ai i shkul flokët dhe e godet edhe më fort”.
Lexo më tej:Video/ Mancini i jep fitoren Romës, Juventus ndalet tre herë te shtyllat: Mourinho siguron vendin e katërt
“MANCINI DUHEJ PËRJASHTUAR”
Gjatë fjalës së tij, Frey vazhdoi sulmin ndaj mbrojtësit të Romës: “Në këtë rrethanë Mancini bie sikur iu thye gjithçka. E njëjta gjë ndodhi edhe në ndeshjen kundër Cremonese. Duke rishikuar aksionin, pyes veten pse nuk u përjashtua edhe ai?”.
MOISE KEAN VS GIANLUCA MANCINI fight pic.twitter.com/yL8qoIn6gM
— Info Vidéos (@InfoVideofr) March 5, 2023