Roma, Juventus, Sevilla e Bayer Leverkusen janë katër më të mirët e Europa League. Eliminim sensacional për Manchester United, i mposhtur 3-0 nga Sevilla në ndeshjen e kthimit të çerekfinaleve të Europa League. Dygolësh i El Nesyri, që shfrytëzoi gabimet katastrofike në mbrojtje të Maguire dhe De Gea. Rakitic dhe shokët e tij do ta gjejnë Juventus në gjysmëfinale. Bardhezinjtë barazuan në Lisbonë, 1-1 ndaj Sporting, duke shkuar në katër më të mirat. Rabiot zhbllokoi ndeshjen, ndërsa Edwards barazoi me penallti. Spektakël i Bayer Leverkusen në Bruksel. Xabi Alonso mposhti Union Saint-Gilloise 4-1 dhe hyn në aktin e parafundit në rrugën për në Budapest. Poker i Romës ndaj Feyenoord, por vetëm pas kohës shtesë, me 90 minutat e rregulltya që u mbyllën 2-1.
SPORTING 1-1 JUVENTUS
Ecuria e Juventus në Europa League vazhdon. Pas fitores së ngushtë në ndeshjen e parë në Stadium, në kthim të besuarve të Allegri i mjaftoi barazimi 1-1 me Sporting për tu kualifikuar. Portugezët të eliminuar dhe bardhezinjtë në gjysmëfinale, ku do të takohen me Sevilla. Në stadiumin Alvalade në pjesën e parë, Rabiot zhbllokoi ndeshjen në minutën e 9′. Francezi shënoi brenda zonës, por pastaj shkaktoi penallti duke penguar Ugarte në zonë. Edwards (20′) vendosi gjithçka në ekuilibër, pastaj në fund Esgaio dhe Coates falën Szczesny.
Lexo më tej: Juventus i treti, Milan e Inter jashtë Champions: Kolegji i Garancisë ndryshon renditjen e Serie A
Një ditë e pambarim për Juventus, që në orën 18:15, më pak se tre orë nga fillimi i ndeshjes, kapërceu në vendin e tretë në renditjen e Serie A. Këshilli i Garancisë CONI i ktheu 15 pikët (për momentin). E pastaj, bardhezinjtë vazhduan me cështjen e dytë të ditës, duke dekretuar vendin në gjysmëfinalen e Europa League. Në avantazh pas 9 minutash me Rabiot, Juventus pësoi rikthimin e luzitanëve me penalltinë e shënuar nga Edwards, pas shtyllës flagrante të Trincaos.
SEVILLA 3-0 MANCHESTER UNITED
Eliminimi i bujshëm i Manchester United, me Sevilla që fitoi 3-0. Lojë me sens unik në pjesën e parë. Skuadra e Mendilibarit presoi lart për të prishur ndërtimin nga poshtë të anglezëve. Pikërisht nga një gabim i rëndë në organizim erdhi avantazhi i vendasve në minutën e 8′. Maguire i dha topin El Nesyri, që mposhti De Gean për golin e tij të 15 sezonal. Djajtë e Kuq nuk mundën të reagonin dhe në fund të pjesës së parë, Ocampos gjeti golin, por që u anulua për pozicion jashtë loje. Pas kthimit nga dhomat e zhveshjes, një tjetër dush i ftohtë erdhi për Ten Hag. Goditje këndi dhe me kokë Badé shënoi në minutën e 47′. I vetmi sinjal i United erdhi nga këmbët e Eriksen, që preku kryqëzimin e shtyllave nga një goditje dënimi. Në minutën e 80′, Sevilla nënshkroi trisin. Një tjetër gafë në mbrojtje nga United, me De Gean që doli huq dhe i ofroi një gol të lehtë El Nasyri. Sevilla kaloi raundin, duke e shkatërruar 3-0 Manchester, duke shkuar në takimin me Juventus në gjysmëfinale të Europa League.
ROYALE UNION SAINT 1-4 GILLOISE-BAYER LEVERKUSEN
Triumfi i Bayer Leverkusen që mposhti Union Saint-Gilloise 4-1 në Bruksel. Gjermanëve iu deshën vetëm dy minuta për të thyer bllokimin. Moussa Diaby kaloi edhe portierin e shënoi golin e 14 të sezonit. Goli i dytë erdhi në minutën e 38′ kur Wirtz krosoi për goditjen fituese të Bakker në shtyllën e dytë. Në pjesën e dytë, Unioni u munduar të reagojë, por në minutën e 61′ erdhi trisi i gjermanëve. Një gabim i belgëve në vendosje dhe Frimpong shënoi golin e tretë që rriti diferencën. Katër minuta më vonë vendasit shënuan golin e nderit me goditjen e Terhos me të majtën nga jashtë zonës. Saint-Gilloise fitoi besim dhe pak më vonë goditi edhe traversën me Adingra. Në minutën e 80′, megjithatë, Xabi Alonso mbylli llogaritë me Hlozek. Përfundoi 4-1 për Bayer, që kaloi në gjysmëfinale të Europa League, ku do të gjejë përballë Romën.
ROMA 4-1 FEYENOORD (4-2)
Roma fiton 4-1 në kohën shtesë kundër Feyenoord, në ndeshjen e dytë çerekfinale të Europa League. Verdhekuqtë fitojnë të drejtën e kalimit për në gjysmëfinale. Skuadra e Mourinho përmbysi menjëherë 1-0 e ndeshjes së parë në Roterdam me disa drithërima. Holandezët u dukën të sigurt se do të kalonin deri në dy minuta nga fundi i kohës së rregullt. Emocionet më të mëdha u përjetuan në pjesën e dytë. Spinazzola hapi rezultatin (60′) në një devijim të Jahanbakhsh dhe Paixao (80′) heshti Olimpico me golin e barazimit. Por pak momente nga fishkëllima e trefishtë është Dybala (89′) ai që gjeti rrugën e golit që zgjati ndeshjen. Në kohën shtesë El Shaaraëy (101′) dhe Pellegrini (109′) e dërguan Olimpico në ekstazë, me verhdekuqtë që do të përballen në gjysmëfinale me gjermanët e Leverkusen.
Europa League Quarter-Finals
Roma 4-1 Feyenoord (4-2)
Sevilla 3-0 Manchester United (5-2)
Sporting CP 1-1 Juventus (1-2)
Union St.Gilloise 1-4 Bayer Leverkusen (2-5)