Koalicioni ‘Bashkë Fitojmë’ nuk tërhiqet, edhe pse humbi në garën për zgjedhjet lokale të 14 majit. Mësohet se koalicioni ka çuar në Kolegjin Zgjedhor ankimimet për bashkitë e Rrogozhinës, Belshit dhe Kamzës.
Këto ankimime dërgohen në Kolegj pasi u rrëzuan në Komisionin e Ankimimeve dhe Sanksioneve.
Për Belshin dhe Rrogozhinën “BF” ka kërkuar pavlefshmëri të kutive të burgut, ndërsa për Kamzën dhe Elbasanin një inspektim të pajisjeve që u përdorën për votimin dhe numërimin elektronik.