Fyerje të rënda raciste vërshuan mbi Youssoufa Moukoko dhe Jessic Ngankam. E gjitha ndodhi pas barazimit të Gjermanisë me Izraelin në ndeshjen e tyre hapëse në Euro Under 21. Sulmuesit e Dortmund dhe Hertha u mbuluan me epitete skandaloze në mediat sociale. Faji ishte se humbën nga një penallti, e para në minutën e 3’, e dyta në minutën e 80’. “Kur fitojmë jemi të gjithë gjermanë, kur humbasim na quajnë majmunë”, komentoi Moukoko i zhgënjyer.
Edhe trajneri i Gjermanisë U-21, Antonio Di Salvo, është zemëruar nga episodi: “Është absurd. Është një farsitet kur njerëzit komentojnë në mënyrë anonime në internet dhe ofendojnë djemtë tanë në mënyrë raciste. Unë i mbroj 1000 për qind. Ata duan të luajnë për Gjermaninë, ata janë gjermanë dhe japin gjithçka për vendin”.
Lexo më tej: Mungon penalltia dhe goli i dukshëm, Cesari shpërthen kundër UEFA-s: “Zgjedhje të çmendura prej tyre”
Racist, insulting and discriminatory comments were made against some of our players after today’s #U21EURO game against Israel. We fully condemn these remarks. pic.twitter.com/ocJeySpK1V
— Germany (@DFB_Team_EN) June 22, 2023
Edhe Federata Gjermane e Futbollit (Dfb) i dënoi “fuqishëm” fyerjet raciste. Me një postim në Tëitter, mesazhe solidariteti erdhën edhe nga Borussia Dortmund dhe Hertha Berlin. “Familja e Borussia është me ty, Youssoufa! Ne dënojmë fuqishëm komentet raciste të bëra kundër Youssoufa Moukoko dhe shokut të skuadrës Jessic Ngankam pas ndeshjes,” tha BVB.
The Borussia family is behind you Youssoufa!
We strongly condemn the racist comments against Youssoufa Moukoko and teammate Jessic Ngankam following the @DFB_Junioren match.
Stay strong! ✊#BorussiaConnects pic.twitter.com/tNY1Z1HtnY
— Borussia Dortmund (@BlackYellow) June 22, 2023
Hertha ndërkohë i përshkroi incidentet si “të neveritshme dhe të përçmueshëm”, duke nënvizuar se “nuk ka vend për racizëm dhe diskriminim”.
There is simply no place for racism or discrimination. We’re behind you, Jessic and Youssoufa! 💙🤍 https://t.co/s1Rvvy2q2s
— Hertha Berlin (@HerthaBSC_EN) June 22, 2023