Kapiteni largohet dhe Manchester City humb një nga lojtarët kryesorë. Ilkay Gundogan është tashmë zyrtarisht lojtari i ri i Barcelonës. Guardiola duhet të bëjë pa mesfushorin gjerman, me origjinë turke, ndërsa Xavi gjen në mesfushë një regjist që i ngjan në lojë. Gundogan u vesh Blaugrana pasi kontrata e tij me klubin anglez mbërriti në fund. Aventura e tij te Citizens përfundoi pas shtatë sezonesh (triumfuese). Kapiteni largohet kështu nga Manchester si fitues dhe si kampion në fuqi i Europës.
Gundogan largohet pasi ka fituar, me shiritin në krah, trofeun elakmuar të Champions: i pari në historinë e City. Ajo kupë që skuadrës së Guardiolës i iku nga duart në vitin 2021, në finalen kundër Chelsea. E nuk ishte rasti i vetëm në të cilin mesfushori e pa titullin ti venitej te pjesa më e bukur. Edhe në vitin 2013, kur luante për Borussia Dortmund, ai humbi aktin e fundit të garës kundër Bayern Munich, në një derbi tjetër mes skuadrave të të njëjtit komb. Në tentativën e tretë, kundër Inter në Stamboll, Gundogan ia arriti qëllimit: fitoren me një trofe të ngritur në qiell si kapiten. Cikli është mbyllur. Tani gjermani mund të nisë një aventurë të re.
💙❤ @IlkayGuendogan is CULER! pic.twitter.com/DrbOOIMSLe
— FC Barcelona (@FCBarcelona) June 26, 2023
PËR GUNDOGAN KOHA PËR NJË SFIDË TË RE
Mesfushori 32-vjeçar largohet nga Manchester pas 7 vitesh dhe 14 titujsh: mesatarisht 2 në sezon. Në pritje të tij është Barcelona dhe një sfidë e paprecedentë: të përpiqet të fitojë edhe në La Liga. Pasi u kurorëzua (pesë herë) kampion i Gjermanisë dhe Anglisë, Gundogan tani do të tentojë të përsëritet në Spanjë. Aty ku e pret Xavi, një trajner që preferon një futboll në të cilin Gundogan mund të shprehet në maksimum dhe të shfrytëzojë cilësitë e tij.
Nëse aventura në Katalonjë do të jetë po aq e suksesshme sa ajo në Mançester, koha do ta tregojë. Ndërkohë, megjithatë, ish-kapiteni i Guardiolës është gati të zhytet në sfidën e tij të re.