Një aksident është regjistruar në Sarandë ditën e sotme. Një mjet tip ‘Jeep’ ka përplasur një fëmijë të mitur, vetëm 4 vjeç, banues në Gjermani.
Burime zyrtare nga policia bënë me dije se bëhet fjalë për shtetasin me inicialet A. S., 69 vjeç, banues në Sarandë, dyshohet se duke drejtuar automjetin e tij tip “Jeep” ka goditur një fëmijë të mitur 4 vjeç, banues në Gjermani.
4-vjeçari është shoqëruar në spital për ndihmën e nevojshme mjekësore dhe ndodhet jashtë rrezikut për jetën.
Drejtuesi i automjetit është shoqëruar në Komisariatin e Policisë për veprime të mëtejshme.