Familjarët e 16-vjeçarit që vdiq pasi u përplas me Jet-Ski në plazhin e Llamanit kërkojnë drejtësi për humbjen e jetës së të afërmit të tyre.
Ata hodhën lule në det në vendin ku u aksidentua adoleshenti dhe mes lotësh kërkuan drejtësi për vdekjen e tij, në të kundërt paralajmëruan se do të bëjnë vetëgjyqësi.
Të zemëruar tregojnë edhe se si iu bë presion nga pronari i biznesit që të deklarohet se 16-vjeçari nuk vdiq nga përdorimi i paligjshëm i jet-skisë, por ngaqë u hodh nga shkëmbi.
“Kemi ardhur këtu në vendngjarje për drejtësinë e djalit. Kjo që ka ndodhur mos t’i ndodhë kujt. Duam drejtësi deri në pikën e fundit. Në qoftë se nuk marrim drejtësi do bëjmë vetëgjyqësi”, tha babai i 16-vjeçarit Klei Xhaja.
“Duhet të vihet drejtësia. I jepet motori fëmijëve 16 vjeç dhe bëget ajo që u bë. Këtu nuk ka as kontroll asgjë”.
Minoreni u përplas me Jet-Ski në plazhin e Llamanit në Himarë më 15 gusht dhe ndërroi jetë në Spitalin e Traumës pak ditë më vonë.
Ngjarja bëhet më shokuese kur të afërmit e viktimës tregojnë se si, edhe pse i dha në mënyrë të jashtëligjshme jet-skinë një personi nën 18 vjeç, pronari i jet-skive tentoi të manipulojë ngjarjen.
Njëri prej 4 të miturve të përfshirë në aksidentin me Jet-Ski ka treguar se bashkë me 3 shokët e tij, të gjithë të mitur, paguan lekët dhe direkt dolën xhiro në det pa u pyetur për moshën.“Donim të merrniim një jet ski të dinim në det të bënim xhiro, askush s’na kërkoi as identitet, as patente, as moshën, nuk na pyeti askush”, rrëfen ai, sipas gazetares Klodiana Lala.
Ai deklaroi se pronari i Jet Skive, të cilin e identifikon si Renato Panajoti, i kishte kërkuar të ndryshonin dëshmin e tyre.
“Policia erdhi në urgjencë, aty po flisja me pronarin e Jet Skive. Më tha që me rrezikohet biznesi mund të themi se është hedhur nga shkëmbi, nuk kemi çfarë i bëjmë, kjo që ndodhi ndodh. Në fillim deklaruam se është hedhur nga shkëmbi. Nga trauma s’dinim si të vepronim na u shtua dhe pak presioni. Pasi u kthjelluam pak dhamë dëshminë tamam”, tregoi Rigersi.
I mituri tjetër, Danieli, i cili ndodhej në të njëjtin Jet Ski me viktimën, tregoi se nuk i pyeti askush për moshën e tyre, ndërsa pas aksidentit iu dha ndihmë nga një person rastësor që kishte dalë në det me varkë.
Edhe Danieli pranoi se gënjeu për ngjarjen pasi ishte nën presionin e pronarit të Jet Skive.
“Morëm presion nga pronari i jet skive, duke na thënë që jemi hedhur nga shkëmbi. Ne ishim ne momentin që nuk ishim në gjendje të mirë psikologjike, që ta kuptonim me çfarë qëllimi na e tha ai atë, nuk kishin asnjë ndihmë, as psikolog, as avokat as ndihmë mjekësore. E kuptova vetë që nuk kishte sens, ajo që po thonim. Fola dhe tregova të drejtën”, rrëfen ai.
Ti morr prind, a e ke idene se cfare detyrimesh ke per krijesat qe sjell ne kete dynja?! Yt bir, a te mori leje per te shkuar ne plazh, ti ku ishe, si e lejon qe te vij verdalle poshte e perpjet jashte kontrollit, e terci e verci… Nga prind deliguent nuk pritet pjelle e hajrit, nuk thone kot “beme baba te te ngjaj”. Nese je “trim”, mos bej kot gam-gam, per vetgjyqesi, neper kamera. Edhe qeni qe eshte kafshe, ka nevoj per zot jo me “femija”. Po nese femija jot do te vriste ndonje njeri me jetski, kush do te ishte fajtori, a do te mbaje pergjegjesi zotrore?! Vuajtja dhe pergjegjesia eshte vetem e jotja personale, ne te tjeret themi: “shyqyr qe nuk vrau ndonje njeri te pafajshem”, KAQ!
Prind leshi!
Ky qiradhenesi i jetskive paska bere nje gabim te pafalshem sipas teje se nuk i ka pyetur per moshen.
Po ti o prind leshi, a dije moshem e djalit tend?
A e dije se ke pergjegjesi edhe ligjore e jo vetem morale per te deri 18 vjec?
Po parate kush ja dha atij?
Nuk e pe ku te vajti djali ne ate plazhin mikroskopik te Llamanit? Mos ishit ne Copa Cabana?
Thuaj shyqyr qe nuk vrau ndonje tjeter pushues te pafajshem.
E sa per vetegjyqesine, ju te hani mutin. Te ish per ta bere e kishit bere.
Dakort per ate qe iu takon prinderve, por ai pronari eshte jo vetem mashtrues, por edhe kriminel. Eshte njesoj si t´iu shesesh droge apo alkol te miturve.