Në mediat anembanë botës, protagonist absolut i ditës së parë të Champions League është Ivan Provedel. Pamjet e goditjes me kokë të portierit të Lazios në minutën e 95’, për barazimin 1-1 ndaj Atletico Madrid bënë xhiron e globit. Nga L’Equipe, te BBC, por edhe në CBS dhe Times, janë ekzaltuar nga bëma e portierit italian. UEFA i ka dedikuar edhe një postim në rrjetet sociale për Provedel dhe goditjen me kokë: “Një natë që do ta kujtoj për gjithë jetën”, ka komentuar portieri i bardhekaltër.
“Kam studiuar nga Immobile”, tha Provedel në fund të ndeshjes, ende me mosbesim në një debutim në Champions League, të cilin ta përkufizosh si një ëndërr. Ndoshta ishte një nënvlerësim, por aftësitë e tij si sulmues vijnë nga larg. Ai luajti një vit si sulmues te Pordenone në ekipin e të rinjve. E portieri e kishte treguar tashmë në Ascoli-Juve Stabia në 2019-2020 në rrethana shumë të ngjashme me një goditje me kokë për barazimin 2-2: A është më i bukur ky apo ai në Juve Stabia- Ascoli? Nuk ka renditje, janë 2 situata të ndryshme, 2 gola të bukur për nga rëndësia, 2 vite shumë të rëndësishme për mua dhe të dyja kanë një kuptim të madh”.
Provedel the Lazio hero 🧤#UCL pic.twitter.com/Q4JQb1MrK8
— UEFA Champions League (@ChampionsLeague) September 19, 2023
SEKRETI I PORTIERIT
Portieri pastaj tregoi edhe sekretin: “Kam studiuar nga Immobile, por Luis Alberto zakonisht godet në shtyllën e dytë prej andej dhe ne ishim të dëshpëruar – shtoi Provedel –. Shpresoja se ai do të krosonte atje dhe ishte e vetmja hapësirë boshe. Unë ende mendoj se nuk e kuptoj këtë dhe do ta kuptoj më vonë. Futbolli, në kohë të mira dhe të këqija, është i shpejtë”.
Provedel është portieri i katërt që shënon gol në Champions League por i dyti me aksion pas turkut Sinan Bolat. Përveç të dyve, kanë shënuar edhe Jorg Butt (tre gola mes viteve 2000 dhe 2009) dhe Vincent Enyeama (në 2010), por të dy me penallti.