Një befasi në fund për Liverpool, që humbi me nëntë lojtarë në Londër kundër Tottenham, vetëm për shkak të autogolit të Matip. Skuadra e Klopp luajti në inferioritet pas kartonit të kuq të Jones e më pas Jota. Reds mbeten me 16 pikë, i kaluar nga Spurs. Tottenham e sheh veten në vendin e dytë, duke kapur Arsenal me 17 pikë.
Kthesa e parë e ndeshjes erdhi në minutën e 25′, kur ndërhyrja e Curtis Jones u rishikua në VAR dhe rezultoi me përjashtimin e mesfushorit të Klopp. Reds me 10 lojtarë që në mesin e pjesës së parë. Kështu, Tottenham mori kontrollin e ndeshjes dhe Son shënoi golin e avantazhit në minutën e 36′. Koreani mori pasimin e Richarlison dhe shënoi me të djathtën golin e 1-0. Skuadra mike reagoi, edhe pse me dhjetë lojtarë, duke gjetur golin e barazimit në fundin e pjesës së parë. Në kohën shtesë, Gakpo kontrolloi një pasim të Van Dijk dhe mposhti Vicario. Pasi ribalancoi ndeshjen dhe rezistoi ndaj sulmeve të vendasve, Liverpool pa të përjashtohej edhe Diogo Jota. Brenda një minute ai mori dy kartonë të verdhë dhe la në mënyrë naive skuadrën e tij me nëntë lojtarë për njëzet minutat e fundit.
Lexo më tej: Wolves bën çudinë e javë në Premier League: shembet City e United turpërohet Brighton
Insistimi i skuadrës së Postecoglou solli efektet e dëshiruara në minutën e gjashtë të kohës shtesë. Pedro Porro bëri një krosim të ulët e të fortë që Matip e devijoi në portën e tij. Liverpool mbeti kështu me 16 pikë, ndërsa Spurs kapin Arsenal në vendin e dytë me 17.