“Është një ndeshje shumë e vështirë, nuk është ndeshje e lehtë, pasi kundërshtari është i fortë. Kanë pësuar vetëm dy gola, por ne duhet të futemi në fushë vetëm me qasjen e duhur, pa eufori dhe ta bëjmë maksimumin e të marrim rezultatin pozitiv”. Ylber Ramadani ka dalë në konferencën për shtyp në prag të ndeshjes me Çekinë, për kualifikueset e kampionatit europian “Gjermani 2024”. Një ndeshje delikate, duke parë edhe si u zhvillua beteja e shtatorit në Pragë. Sidoqoftë, mesfushori i Lecce e di se do të ketë avantazhe këtë herë për kuqezinjtë. “Ndeshja në shtëpi është më ndryshe, pasi luajmë në fushën tonë, kemi tifozët tonë që na përkrahin shumë. Do hyjmë më ndryshe në fushë, do hyjmë për ta fituar ndeshjen”.
Lexo më tej: Video/ Goditje e rëndë për kombëtaren, Ismajli nuk ia del: do të mungojë ndaj Çekisë dhe Bullgarisë
Mundësi për llogari nuk është se ka, ose më saktë e rëndësishme është të mos humbasim. Të paktën në vlerësimin që bën Ylber Ramadani është kështu: “Normalisht ne do hyjmë në fushë për më shumë, pasi kemi tre finale dhe kjo është njëra prej tyre. Do hyjmë të japim maksimumin, pasi e dimë çfarë na pret po e morëm rezultatin pozitiv – analizoi mesfushori, që shtoi -. Janë edhe tre ndeshje, siç thashë edhe më parë janë tre finale. Llogaritë do të bëhen pastaj. Ne duhet të hyjmë në këtë ndeshje të bëjmë maksimumin sepse është ndeshje e rëndësishme, sikurse edhe dy të tjerat. Shpresojmë të bëjmë mirë, pastaj në fund bëhen llogaritë”.
https://www.youtube.com/watch?v=q-7g9kkwq_I