“Ibrahimovic më i fortë ndonjëherë te Inter? U ndjeva më i fortë se kur isha te Juventus, më i kompletuar por jo në më të mirën time. Mancini më jepte besim dhe përgjegjësi. Inter para meje nuk kishte fituar titullin prej 17 vjetësh, pastaj e fituam tre vjet radhazi”. Nga skena e Festivalit të Sportit në Trento, Zlatan Ibrahimovic ripërshkoi karrierën e tij të gjatë. “Balotelli? Ai kishte shumë mundësi për të shfrytëzuar talentin e tij dhe për të ndryshuar të ardhmen e tij. Ai nuk e bëri kurrë, kjo është e vërteta”. Taka e Leao në Champions League kundër Newcastle krahasuar me atë të SuperMario: “Jo jo, as nuk mund të krahasohet. Nëse ai shënon gola atje, është një gjeni. Vetëm gjenitë e kuptojnë se çfarë duhet të bëjnë atje. Prandaj ai është atje dhe Balotelli është në tribunë. Cili është më i mirë Ibrahimovic apo Leao? Zlatan, por Zlatan e krijoi Leao…”. Për të ardhmen: “Tani kam më shumë oferta sesa kur luaja, por dua të vazhdoj të bëj ndryshimin. Nuk dua të jem simbol. Milan? Kam pasur disa takime, le të shohim.”
Për transferimin në Barcelonë
“Të shkosh te Barcelona ishte ëndrra e të gjithëve në atë kohë. Kisha dhënë gjithçka te Inter dhe doja të rritesha dhe të përmirësohesha. Pata fatin të fitoja trofe që nuk i kisha fituar më parë. Kur më thirri Barcelona, isha i emocionuar, kisha bërë më të mirën te Inter. Doja të rritesha edhe më shumë dhe të provoja sfida të tjera për të kuptuar dhe testuar veten. Ishte një sfidë me veten time. Gjashtë muajt e parë shkuan mirë, më pas atmosfera dhe mendimet ndryshuan. Gjysmëfinalja me Inter në Champions League? Nëse do të kishte VAR, gjërat do të kishin shkuar ndryshe”.
Mino Raiola
“Karriera ime filloi me të – tha Ibrahimovic. Unë bëja arrogantin dhe ai gjithashtu, por në fund hoqa dorë pak sepse kisha nevojë. Njoha një person fantastik, ai u bë si baba dhe mik. Një këshilltar, çdo gjë. Atë që kaloja, e kaloja me të, kam folur me të çdo ditë. Jemi rritur së bashku në karrierën tonë, jemi bërë të fortë së bashku. Gjatë sëmundjes së tij kam qenë pothuajse çdo ditë me Minon në periudhën e tij të fundit të jetës. Nuk ishte e lehte, kur sheh një person në vështirësi është e vështirë. Kishte shumë emocione. Doja t’i hiqja mendimin fiks të sëmundjes, i sillja energji dhe pozitivitet në vend që të flisja për sëmundjen e tij”.
Kampionatet e Juventus
“Janë 38, jo 36. Sepse ne luftuam çdo ditë për të gjitha ndeshjet dhe bëmë gjithçka në fushë. Kush ishte në atë ekip e di se çfarë bëri. Treguam se ishim më të fortët në Itali. Për këtë unë them se janë 38”.
Titulli i fundit me Milan
“Ishte titulli nga i cila kam pasur më shumë kënaqësi. Ishte një situatë ku skuadra nuk ishte favorite, madje as në top 4. Kishim lojtarë që nuk ishin superyje. Nuk ishte ekipi me të cilin isha mësuar të luaja. Kam luajtur gjithmonë në skuadra favorite, por në këtë Milan ishte e kundërta. Pak nga pak ky grup u formua, nuk kisha patur kurrë një grup kaq të fortë kolektiv. Tonali? Unë di pak për këtë histori. Nuk kam dëgjuar kurrë për të, nuk e kam parë kurrë në vështirësi dhe nuk e kam parë kurrë të ishte keq. Duhet të kuptojmë se si është situata”.
Lexo më tej: Cardinale bën spektakël në SHBA: bërtet “Forca Milan” para presidentit Biden
Ish-presidenti Silvio Berlusconi
“Kam pasur një marrëdhënie të mirë me Berlusconin, ai kishte një aureolë. Ai ishte zoti Milan. Që kur mori Milan, Milani u bë futbolli, ai ndryshoi historinë e futbollit dhe Milanit. Më riktheu lumturinë pas kohëve të vështira te Barcelona. Falë tij shkova në Milano. Pastaj prej andej u rrit një marrëdhënie dhe ne shpesh flisnim për shumë gjëra. Ai më thoshte se si duhet të luaja, të lëvizja. Më stimuloi si njeri dhe si futbollist”.