Pas takimit të djeshëm mes avokatëve të Sandro Tonali dhe Prokurorisë së FIGC, në orët e ardhshme do të vijë skualifikimi. Sidoqoftë, do të jetë para Neëcastle-Borussia Dortmund për të mos irrituar UEFA-n duke i lënë mundësinë anglezëve të futen në fushë në Champions League me një lojtar nën hetim sportiv në Itali. Dënimi nis me përgjysmimin në 2 vite, duke qenë se mesfushori pranoi se kishte vënë bast (gjithmonë për të fituar) edhe në ndeshjet e Brescia dhe Milan. Avokatët e lojtarit, falë bashkëpunimit dhe doktorit certifikues që vendos varësinë ndaj lojërave të fatit, synojnë edhe 6 muaj zbritje për të arritur në 18 në total: 10-12 në fushë, 8-6 në sanksione shtesë, me Tonalin që do të marrë përsipër të mësojë të rinjtë të mos bien në kurthin e basteve ilegale.
Lexo më tej: Tonali vinte bast për Milan e Brescia: hipoteza e skualifikimit për një vit
Në këto orë loja luhet në dy fronte. Nga njëra anë koha e ndalimit, me Prokurorinë që kërkon të arrijë 12 muaj plus 6 edhe për të diferencuar më tej situatën nga ajo e Fagioli. Madje edhe dënimi financiar do të jetë më i madh në krahasim me atë të lojtarit të Juventus. Avokatët synojnë 10+8 në mënyrë që Tonali të jetë gati për fillimin e sezonit të ri me Neëcastle, duke e konsideruar këtë sezon të përfunduar para kohe, përfshirë edhe Euro24. Nga ana tjetër do të ketë një kontroll të mëtejshëm për pajisjet e sekuestruara ndaj tij për të përjashtuar përfundimisht përfshirjen e mundshme të lojtarëve të tjerë, duke qenë se Fagioli në marrjen në pyetje e kishte treguar Tonalin si shpërndarësin e aplikacionit të basteve.