Inter eviton rreziqet e të mëdhenjve: Marotta rinovon deri në 2027

Beppe Marotta ka rinovuar kontratën me Inter, deri në vitin 2027. Njoftimi është bërë gjatë mbledhjes së Bordit të Drejtorëve që u zhvillua në mëngjes në selinë e zikaltërve në Viale della Liberazione, me presidentin Steven Zhang të lidhur direkt nga Kina. Numri një i klubit ka dashur të konfirmojë Beppe Marotta si CEO i zonës sportive pas kënaqësive të shumta sportive të arritura në vitet e fundit. E tani priten edhe vazhdimësia e drejtorit sportiv Piero Ausilio dhe zëvendësit të tij, Dario Baccin.

Në fakt, Marotta kishte rënë në sytë e klubeve të madhe. Puna e bërë te Inter, sidomos me plusvalencat nuk kishte kaluar pa u evidentuar. Madje u përfol edhe një riinteresim i Juventus për ish-administratorin e tyre të deleguar.

BORDI DREJTUES: RRITJE E TË ARDHURAVE

Gjatë Bordit të Drejtorëve u miratua edhe raporti i parë tremujor i sezonit 2023-24. Ky raport zgjat nga korriku deri në shtator. Xhiroja e grupit ishte rreth 166 milionë euro, një rritje prej rreth 60 milionë (+36% ) krahasuar me të njëjtën periudhë referuese të sezonit 2022/23. Rezultati pozitiv është kryesisht rezultat i fitimeve kapitale të regjistruara (shih marrëveshjet Onana dhe Brozovic), por edhe nga të ardhurat më të mëdha nga të drejtat televizive, ditët e ndeshjeve dhe nga sektori i “licensimit dhe shitjes me pakicë”.

Lexo më tej: Onana te Manchester United, i trishtuar: “Inter është magji, ndjenjë, ndoshta një ditë kthehem”