Pasi përdoruesit e mediave sociale kritikuan pamjen Beyonce, duke pretenduar se ajo po përpiqej të “dukej si një grua e bardhë” dhe t’i ngjante Kim Kardashian, Nick Cannon doli në mbrojtje të saj.
“Kim Kardashian dëshiron që të duket si Beyoncé”, tha reperinë episodin e së hënës të “Daily Cannon Show”. Cannon vazhdoi të thoshte se Beyoncé “duket njësoj që kur ishte 16 vjeç”.
Ndërsa bashkë-prezantuesit Courtney Bee dhe Abby De La Rosa ranë dakord me Cannon, Mason Moussette tha se ajo mund të shihte ngjashmëritë në fotot krah për krah të Beyoncé dhe Kardashian.
Tre ditë pasi këngëtarja e “Love on Top” kishte flokë platin në tapetin e kuq të filmit, mamaja e saj, Tina Knowles, shkoi në Instagram duke reaguar ndaj kritikave.
“Jam e lodhur nga njerëzit që e sulmojnë atë,” shkroi Tina, në një postim të gjatë të martën. Ajo vazhdoi duke thënë se “gratë e zeza kanë mbajtur flokë platin që nga koha e Etta James”, duke përfunduar, “Unë e di që ajo do të inatoset me mua që poe bëj këtë, por jam e lodhur!”
Edhe pse Beyoncé nuk ka komentuar ende për reagimet, ajo postoi më shumë foto duke treguar transformimin e flokëve të saj të mërkurën. Më herët po atë ditë, fituesja e Grammy doli në Londër për darkë me bashkëshortin e saj, Jay-Z, si dhe Tom Cruise dhe Henry Cavill.
Filmi “Renaissance” e interpretueses, i cili del në kinema të premten, jep një pamje nga prapaskenat e turneut të saj nga maji deri në tetor./Lapsi.al