Ciara njoftoi të hënën se solli në jetë fëmijën e tretë të saj dhe Russell Wilson, një vajzë të quajtur Amora Princess Wilson.
Ajo postoi një foto të foshnjës, por nuk bëri të ditur datën e lindjes. “Ne të duam shumë!,” shkroi artistja poshtë imazhit. Çifti janë gjithashtu prindër të vajzës Sienna, 6 vjeç, dhe djalit Win, 3, të cilët mbërritën përkatësisht në prill 2017 dhe korrik 2020.
Russell është gjithashtu njerku i djalit 9-vjeçar të Ciarës, Future, nga fejesa e saj e mëparshme me Future. Fituesja e Grammy-t u nda nga reperi në vitin 2014, duke vazhduar me Wilson vitin e ardhshëm.
Përpara se dyshja të martohej në korrik 2016, ata folën për vendimin e tyre për të mos patur intimitet para kurorëzimit.
“Nëse e do dikë pa këtë, atëherë ti e dashuron vërtet”, shpjegoi Wilson gjatë një pyetje-përgjigjeje të vitit 2015, ndërsa kërkonte lutje për ta mbajtur “mendjen dhe zemrën time të pastër”./Lapsi.al