Një banesë në fshatin Bubullimë në Lushnjë është përfshirë nga flakët e për pasojë një i moshuar ka humbur jetën.
Shkak i flakëve dyshohet të jetë bërë një shkëndijë elektrike, ndërsa në banesë kanë qenë çifti i bashkëshortëve Kristina dhe Koli Koçi. 82-vjeçari ka humbur jetën, ndërsa bashkëshortja e tij ka arritur të shpëtojë. Banesa e tyre është shkrumbuar totalisht. Zjarrfikësit kanë shkuar në vendin e ngjarjes dhe kanë bërë të mundur shuarjen e flakëve.