Ditën e djeshme SPAK mori gjatë në pyetje gazetarin Elton Qyno, çka shkaktoi edhe polemika në opinionin publik. Ndërkohë Prokuroria e Posaçme ka reaguar për mes një deklarate zyrtare duke sqaruar arsyet e marrjes në pyetje.
Sipas SPAK, materialet e publikuara në media, nga gazetari Qyno, ndër të tjera kanë qenë të dhëna të padokumentuara, që lidheshin me dëshmitë e Nuredin Dumanit.
Njoftimi i SPAK:
Prokuroria e Posaçme po kryen hetime në kuadër të procedimit penal nr.75 viti 2022 në kuadër të të cilit janë duke u hetuar persona me rrezikshmëri të lartë shoqërore, për vepra penale të rënda dhe që kanë sjellë si pasojë vrasjen e disa personave, vepra penale të cilat janë kryer në formën e bashkëpunimit të posaçëm të grupit të strukturuar kriminal.
Në datën 10.12.2023 janë konstatuar të botuara në faqen e internetit të medias audiovizive Ora News (oranews.tv), artikuj të shkruara nga gazetari Elton Qyno, që bëjnë fjalë për disa komunikime të kryera nga persona që janë subjekte të hetimeve paraprake. Në datën 11.12.2023 artikujt janë publikuar edhe nga media të tjera.
Në artikujt që janë publikuar nga gazetari Elton Qyno, është konstatuar dukshëm se, teksti dhe përmbajtja e bisedave në këto publikime përmbante disa pjesë të komunikimeve që bashkëpunëtori i drejtësisë Nuredin Dumani ka bërë me disa persona të tjerë (të paidentifikuar deri aktualisht nga hetimet) në platformën e kriptuar SkyECC, që janë objekt i hetimeve paraprake.
Nga verifikimi i publikimeve të artikujve të sipërcituar, përmes konsultimit me të dhënat e akteve hetimore të komunikimeve SkyECC që disponon Prokuroria e Posaçme, rezultonte se bisedat e bëra publike në media, nuk janë dokumentuar ende në akte procedurale nga ana e Prokurorisë së Posaçme në kuadër të procedimit penal nr.75/2022. Gjithashtu, disa nga shkrimet e evidentuara në artikujt mediatikë, përputheshin me përmbajtjen e komunikimeve që ka kryer Nuredin Dumani me përdorues të tjerë në platformën SkyECC (të paidentifikuar deri aktualisht), komunikime të cilat vetëm Prokuroria e Posaçme i disponon aktualisht, si akte procedurale të hetimit paraprak.
Kjo situatë e prezantuar në media krijoi dyshime se mundet të ndodheshim para elementëve të veprave penale: “Zbulimi i akteve ose të dhënave sekrete” dhe “Ndalimi i dhënies dhe i shpalljes së të dhënave në kundërshtim me ligjin”, të parashikuara përkatësisht nga nenet 295/a paragrafi (3) dhe 313/b pika (1) të Kodit Penal. Mbi këtë, Prokuroria e Posaçme filloi hetimet dhe regjistroi procedimin penal nr.245/2023, për kryerjen e dy veprave penale të mësipërme.
Nisur nga fakti se publikuesi i artikujve të mësipërm ishte Elton Qyno / gazetar, më datë 13.12.2023 ai u ftua për tu paraqitur në SPAK, për t’i marrë një deklarim në cilësinë e personit në dijeni të fakteve që përbëjnë objekt hetimi, ftesë që gazetari iu përgjigj pozitivisht dhe u paraqit. Pasi iu bënë të njohura arsyet e marrjes në pyetje, siç dhe parashikimi i nenit 159 i KPP (e drejta e mos deklarimit për shkak të profesionit të gazetarit) iu kërkua të shpjegonte mbi mënyrën se si kishte siguruar akte hetimore që përbëjnë sekret hetimor, zbulimi i të cilave ndaj të tretëve përmes publikimit është i ndaluar nga ligji procedural. Po kështu, iu bë e ditur dhe domosdoshmëria që ka lindur për të identifikuar e gjetur dokumente ose akte në origjinal apo në çdo formë tjetër që ai i dispononte.
Shtetasi Elton Qyno është përgjigjur se burimi ka qenë konfidencial dhe nuk mundet ta deklarojë për shkak të sekretit që lidhet me profesionin. Në këtë rrethanë, gazetari deklaroi me shkrim se aktet e dokumentet që dispononte ishin sekret që lidheshin me profesionin e tij (parashikim i nenit 211 pika 1 K.Pr.P) dhe nuk mund t’i jepte. Duke e konsideruar këtë si të pabazuar dhe me synimin për të gjetur dokumente, prova materiale, gjurmë ose sende që i përkisnin veprës penale, ai u ftua nga hetuesit që t’i këqyrej telefoni/telefonat që kishte në përdorim, gjë që gazetari iu përgjigj negativisht.
Sjellim në vëmendje se Prokuroria e Posaçme, me urdhrin e datës 14.06.2022, ka urdhëruar ndalimin e publikimit të akteve procedurale për këtë procedim penal dhe ky akt i është komunikuar shtetasit Elton Qyno.
Me kërkesë të Prokurorisë së Posaçme, Gjykata e Posaçme e Shkallës së Parë për Korrupsionin dhe Krimin e Organizuar me vendimin nr.501 datë 13.12.2023 dhe nr.502 datë 13.12.2023 vendosi lejimin e kontrollit personal të shtetasit Elton Qyno, lejimin e kontrollit të banesës dhe të zyrës së tij, në vendin e punës, Zyrat e TV Ora News. Në vendimin gjyqësor u lejua edhe sekuestrimi i të dhënave kompjuterike në sistemin kompjuterik në vendin e punës dhe në banesë të tij.
Në zbatim të vendimeve të gjykatës, kontrolli personal solli rezultat negativ, telefon celular nuk iu gjet; nga kontrolli në banesë dhe në ambientet e punës u gjetën dhe u sekuestruan dokumente dhe sende elektronike tek të cilat dyshohet të ketë gjurmë të veprës penale që po hetohet. Ndërkaq, para mesnatës, me anë të pajisjeve speciale gjurmuese operacionale u bë e mundur që në një Bar Kafe me vendndodhje në distancë të afërt me Godinën e SPAK, të gjenden dy telefona celularë, që pasi iu vunë në dispozicion, të njihen prej tij si sende të tij.
Dy telefonat celularë, pajisjet elektronike dhe dokumentacion në letër u sekuestruan në zbatim të vendimit të gjykatës, për t’iu nënshtruar ekzaminimeve të mëtejshme. Në përfundim të veprimeve të urdhëruara nga gjykata dhe të ekzekutuara tashmë, gazetari Elton Qyno u largua nga ambientet e SPAK për në banesë të tij.
Prokuroria e Posaçme ka kryer veprimet procedurale në përputhje të plotë me kërkesat e Kodit të Procedurës Penale, si dhe në zbatim të vendimeve nr.501 datë 13.12.2023 dhe nr.502 datë 13.12.2023 të Gjykatës së Posaçme të Shkallës së Parë për Korrupsionin dhe Krimin e Organizuar.
Prokuroria e Posaçme falenderon çdo gazetar për kontributin e mbulimit të lajmeve rreth nesh, çdo gazetar profesionist që i shërben publikut dhe të vërtetës, duke raportuar me etikë dhe në respektim të ligjeve në fuqi, duke konsideruar seriozisht respektimin e sekretit hetimor dhe mbrojtjes së të dhënave personale.
Ka filluar spaku eshte bere si far west, sja ndjen per njeri! Shtet bananesh, se kshu mendonin dhe politikanet qe ishin te paprekshem por ja ku jane! Edhe artistave te SPAK, kujdes respektoni ligjin se karma eshte mbrapa deres…
Nga ftesa direkt ne vendim gjykate brenda kohës që mbahej në sptë dhjetsha bandën e ca bande skaaaappppppp
Kjo eshte jo ligjore. Ti ruaj aktet mos ja japi çdokujt, ndersa gazetari ate pune ka, te bej transparence.
Mban ere hakmarrje personale ndaj gazetarit.
Zoti i ngerkuari me pune ne Ambasaden Amerikane ne Tirane ,A i keni degjuar keto “vepra”te SPAK-ut,qe nuk e paska bere rilindja,por e paskeni bere ju ,aamerikanet?Arrestohet gazetari,pse ka botuar informacione ,qe i ka marre,nga burimet e tija konfidenciale,qe me ligj,nuk ka detyrim,t’i tregoje,ose ndofta jane marre edhe nga brenda SPAK-ut,se komunistet e vjeterr,jane ende aty,ne pergjim dhe veprim,Kraja.& Co.Dhe spaku,nuk ka c’ti beje gomarit,(qe e ka brenda vehtes),dhe i bie samarit (te gjorit Qyno-gazetari,me i edukuar,me i qete,me i sakti dhe nga profesionistet me te mire qe kemi ne).E mban 12 ore ne hetuesi,i kontrollon shtepine dhe zyren (se e kane edhe gurin,edhe arren ne dore,menjehere fusin gjykaten,qe pa asnje hezitim i bindet Dumanit).A i keni pare ne ndonje vende te botes demokratike,qe te veprohet keshtu me gazetaret???? Po ju zoterinj ambasadore te vendeve te tjera “demokratike”qe jeni akredituar ne Tirane,sidomos ambasadori i BE,a i shikoni keto veprime te Spakut,dhe si i vleresoni? Nuk po degjojme asnje fjale,apo veprim nga ju,apo keni shkuar per ski,ne vende malore dhe nuk shikoni fare se c,behet ne Tiranen demokrratike?Apo ndofta,jeni duke shijuar dirigjimin,qe kryeministri yne,po i bente,krereve te vendeve tuaja ne Bruxel???!!! Dhe ata,kreret e vendeve tuaja,jo vetem nuk i thone gje,por disa edhe qeshin,dhe te tjere,si gjithmone indiferente,bejne sikur nuk ndodh gje? A jeni ju per nje media te lire,per te bere punen e saj?Mediat,ne vendet tuaja ,a do e pranonin,nje trajtim te tille,sic i beri Spaku,gazetarit,me normal,ne cdo drejtim,zotit Qyno???? Ju ka dale nam,jo i mire,sepse kur vini ne Tirane,jeni X Kg,dhe kur ju vjen dita e largimit,peshoni X+minimumi 30-40% me shume.Do beni mire,te takoheni te gjithe bashkje,merrni edhe zevendes ambasadorin amerikan,dhe shikoni gjithe veprimet e Spakut dhe krejt te drejtesise,qe shel ligjet,pa asnje pergjegjesi,se asnje nuk ka kush t’i kritikoje,e jo me t’i beje verejtje.Mashtron diten per diell,si sot qe per dike thote se nuk u paraqit ne hetuesi se nuk i gjetem adresen,kur menjehere sohim reagimin,se dy adresa,qe disponoj,spaku i ka te sakte,por une nuk kem asnje njoftim.Dhe qyfyre te tjera nga me te cuditshmet! Respektoni,te pakten emerin qe gezini,ambasador fuqiplote i shtetit ,,,,,,,
Ti qenke naiv. Amerika dhe Evropa e krijuan me qellim Spak dhe diktaturen Sorrosiane ne Shqiperi per ta Shkaterruar Shqiperine
Edhe sigurimi i shtetit(Enver Hoxhes) keshtu ja bente,tete me dy armiqvet te kllases ,bijvet e niprave te ballisteve,kulakeve ( ata qe kishin 5 dylyme toke me shume se fshataret e tjere,per ata qe se dine se kush u quajt kulak nga ai rregjim) tregetarevet e cdokujt qe mendonte ndryshe.Yyypp xhixhi! Yyyp Skapi!
Moterqirajt po terheqin me litar nga varri, enverr bythqirin.