Juventus po udhëton fort në kampionat dhe, për momentin, duket se është e vetmja skuadër që mund ta pengojë disi Inter të fitojë lehtësisht kampionatin. Megjithatë, pas barazimit në shtëpi ndaj Genoa dhe fitores pasuese të zikaltërve në transfertë kundër Lazio, avantazhi i skuadrës së teknikut Inzaghi ndaj rivalëve të tyre është 4 pikë. Bardhezinjtë e teknikut Allegri, sidoqoftë, kanë avantazhin aspak për tu nënvlerësuar se nuk luajnë në kupat europiane.
Megjithatë, trajneri i Juventus Allegri ka deklaruar gjithmonë se objektivi i klubit nuk është titulli, por “vetëm” vendosja në zonën Champions. Deklarata, të përsëritura disa herë, të cilat për disa nuk janë plotësisht të sinqerta. Gazetari Maurizio Pistocchi ka një ide shumë të qartë në këtë kuptim…
PISTOCCHI PËR TË ARDHMEN E MAX ALLEGRI
Në një postim në Twitter, gazetari shpjegoi në thelb arsyet e deklaratave të teknikut bardhezi: “Nëse ajo që Allegri ka pretenduar gjithmonë do të ishte e vërtetë – objektivi është kualifikimi në Champions League – nervozizmi i tij do të ishte i pashpjegueshëm. Juventus është i dyti dhe me +10 pikë nga i katërti ( Napoli), zona Champions është tashmë në xhepin e tij. Ndoshta ai e di që nuk do të jetë më trajner i Juventus dhe po vë bast gjithçka te titulli, për të dalë fitimtar?”.
Lexo më tej: Juventus, tërbimi i Max Allegri në dhomat e zhveshjes në Marassi: dënohet nga Gjykatësi Sportiv
Më pas Pistocchi zbuloi lëvizjet e drejtorit Giuntoli për trajneri që do të pasojë livornezin në pankinën e Juventus: “Më thonë se De Zerbi dhe Palladino kanë refuzuar propozimet e Giuntoli. E se drejtori sportiv i bardhezinjve synon me vendosmëri te Thiago Motta”.
💣Se fosse vero quello che #Allegri ha sempre sostenuto-l’obiettivo della #Juve è la zona #Champions-il suo nervosismo sarebbe inspiegabile: seconda in classifica, a +9 sulla quarta ( il #Bologna ) l’obiettivo è già in cassaforte. Forse sa che non sarà più l’allenatore l’anno… pic.twitter.com/S6R0aNSoaN
— Maurizio Pistocchi (@pisto_gol) December 20, 2023