Myrto Uzuni bën liderin te Granada dhe e udhëheq skuadrën e tij drejt një fitore shumë të rëndësishme për mbijetesën. Beratasi e nis vitin 2024 me gol, duke ndihmuar të tijtë të mposhtin 2-0 Cadiz. Uzuni zhbllokoi ndeshjen në minutën e 22′, kur shfrytëzoi spondin e Boye. Për Cadiz gjërat u bënë edhe më keq në minutën e 54′, kur Sobrino u ndëshkua me karton të kuq. Më pas, Zaragoza Martinez (70′) dyfishoi shifrat duke mbyllu ndeshjen.
Një performancë e mirë e sulmuesit të kombëtares së Shqipërisë, që me këtë gol lë pas një moment delikat. Uzuni shfrytëzoi spondin e Boye në zhvillimet e një goditje dënimi, duke e dërguar topin në rrjetë në minutën e 22′. Goli u konfirmua edhe nga VAR, pasi Boye u mendua në pozicion jashtë loje, në nisje të aksionit. Uzuni tentoi të shënonte dygolëshin personal në minutën e 29′, por goditja nga distanca e tij u grushtua nga Ledesma.
Lexo më tej: “Ndaloni lojën, i duhet ndihmë”. Tifozi humb jetën në stadium, Uzuni i trishtuar: ndërpritet Granada-Bilbao
🚁❤️🔥
VUELVE A VOLAR EL HELICÓPTERO #𝙀𝙩𝙚𝙧𝙣𝙖𝙇𝙪𝙘𝙝𝙖 🇦🇹 | #GranadaCádiz pic.twitter.com/S8dpUHMWBl
— Granada CF ❤️⚪️ (@GranadaCF) January 3, 2024
Cadiz tentoi të qendronte në lojë, por ndeshja mori kthesën përfundimtare në minutën e 54′. Sobrino u ndëshkua me karton të kuq, duke lënë miqtë me 10 lojtarë. E thjeshtë për Granada që të ushtronte presion dhe të mbyllte ndeshjen. Zaragoza Martinez, lojtari i ardhshëm i Bayern Munich, shënoi golin e dytë, duke siguruar rezultatin.
Granada ngjitet në kuotën e 11 pikëve, duke mbetur në zonën e rënies nga kategoria, por duke ngushtuar diferencën me zonën e shpëtimit ku është pikërisht Cadiz, tani vetëm 4 pikë larg.