I akuzuar se është i pa respektueshëm (“ata që hanë në pjatën ku ka ngrënë edhe ai”), Massimo Mauro i është përgjigjur teknikut të Romës José Mourinho. Opinionisti i Mediaset e ka bërë këtë pas ndeshjes Juventus-Salernitana. “Nuk kam pse të përsëris asgjë nga ato që thashë në Pressing (në episodin e 23 dhjetorit, red.). Aty është i gjithë respekti që kam për lojtarët, trajnerët, arbitrat dhe vetë teknikun Mourinho. Nëse ka nevojë për një armik nuk jam i disponueshëm, nëse do të flasë për futbollin do ta pres”, tha opinionisti i SportMediaset, i cili përfundoi në shënjestër të trajnerit portugez pas komentit të tij për Roma-Napoli.
“Ai i di punët e veta, është një komunikues i shkëlqyer dhe kurrë nuk bën asgjë rastësisht – vazhdoi Mauro -. Ai ka fituar gjithçka, ka qenë në të gjitha ekipet më të mëdha në botë… A mund të jem armiku i tij? Unë i dëgjova edhe njëherë gjërat që thashë në Pressing, është puna ime, të cilën e bëj për njëzet vjet. Unë i përgjigjem kompanisë sime dhe ndërgjegjes sime”.
Mourinho su Mauro. pic.twitter.com/WmWm63Fg6R
— JosèSeiPerMe (@joseseiperme) January 3, 2024