Gruaja e Giovanni Simeone, Giulia Coppini, ka shkruar një mesazh me fjalë të helmëta kundër Inter, pas finales së Superkupës së Italisë. Më pas ajo e fshiu postimin nga rrjetet sociale.
SIMEONE I PËRJASHTUAR MES POLEMIKAVE
Napoli-Inter përfundoi 0-1 për djemtë e teknikut Inzaghi, të cilët ngritën Superkupën e Italisë në qiellin e Riadit për të tretën herë radhazi. Për trajnerin e zikaltërve, kjo është fitorja e pestë si trajner, i para absolut në historinë italiane.
Ndeshja u vendos nga goli i Lautaro Martinez në minutën e 91′ dhe përjashtimi i Giovanni Simeone në minutën e 60′. Kjo dalje u kritikua ashpër nga tekniku i Napolit Mazzarri gjatë ndeshjes dhe presidenti De Laurentiis në përfundim të saj. Menaxhimi i kartonëve nga arbitri Rapuano u kritikua ashpër edhe në studio, në gazeta dhe në rrjetet sociale.
GRUAJA E SIMEONE SULMON INTER
Reagimet e menjëhershme nga tifozët e Napolit ishin shumë intensive. Një në veçanti shkaktoi bujë: ajo e gruas së Giovanni Simeone, Giulia Coppini.
Giulia, fiorentine e partnere e Cholitos që nga Firence, shkroi pak pas përfundimit të ndeshjes: “Nuk është e lehtë të fitosh me një ditë më pak pushim, por me arbitrin në favor do të thosha po…”
La moglie di Simeone la tocca pianissimo pic.twitter.com/Y9frmPruFC
— Gobba 🤍🖤 (@Gobba90665216) January 22, 2024
Një sulm që nuk kaloi pa u vënë re në rrjetet sociale, por që u fshi shpejt për të mos vënë në pozitë të vështirë atë dhe bashkëshortin e saj.