Polemikat rreth finales së Superkupës së Italisë, të fituar nga Inter ndaj Napolit të hënën nuk shuhen. Në shënjestër janë gjithnjë arbitrat, e konkretisht Rapuano. Informacionet e fundit zbulojnë praninë e dizenjatorit Gianluca Rocchi në dhomën e zhveshjes së arbitrit Rapuano në fund të pjesës së parë të ndeshjes. Dizenjatori, shkruan Il Mattino, “ka shpenzuar një kohë të gjatë pikërisht për të qortuar arbitrin në mënyrën e gjykimit që po aplikonte në fushë”.
Nga këtu erdhi ndryshimi i papritur i qëndrimit në pjesën e dytë pas një pjese të parë ‘lejuese’. Në fund, e pësoi Giovanni Simeone, duke marrë dy kartonë të verdhë në harkun e pesë minutave menjëherë pas fillimit të pjesës së dytë. Rapuano, është pothuajse e sigurtë të theksohet, nuk u promovua nga drejtuesit e AIA-s. Këta të fundit megjithatë vlerësuan mënyrën e veprimit të De Laurentiis në bilbilin e fundit. Nga numri një i napolitanëve vetëm kritika të qeta (pa viktimizëm me pak fjalë) dhe propozimi i një tavoline për të menaxhuar më mirë VAR-in.
Lexo më tej: “Turp, më keq se në Pekin!”: britma e teknikut Mazzarri pas Superkupës së fituar nga Inter
Polemika të shumta ka patur menjëherë pas përjashtimit të Simeone, me teknikun Mazzarri që protestoi ashpër ndaj arbitrit Rapuano. Tekniku i Napolit i tha arbitrit: ‘Turp, më keq se në Pekin’.
Secondo Il Mattino, ci sarebbe stato un incontro tra Rocchi e Rapuano nell'intervallo della Supercoppa#NapoliInter #SupercoppaItaliana #Rapuanohttps://t.co/XpDmqQjQ9E
— Chiamarsi Bomber (@ChiamarsiBomber) January 24, 2024