Mamaja e Phil Foden, 44-vjeçarja Claire Rowlands, u arrestua gjatë një nate alkooli. Gruaja shkaktoi një panik të vërtetë në një klub në Uellsin e Veriut. Në procesin e mamasë së Foden u shfaq një video e shkurtër e mbrëmjes, në të cilën gruaja dukshëm e shpërfytyruar, sfidonte efektivët e policisë duke i ofenduar gjatë gjithë kohës.
E DEHUR DHE NGACMUESE: ARRESTOHET MAMAJA E FODEN
Claire Rowlands, mamaja e mesfushorit të Manchester City Phil Foden, përfundoi në telashe pas një nate me tekila dhe vodka në klubin e natës Bentley’s Sports Bar & Night Club. Ngjarja në fakt ka ndodhur në 9 shtatorin e kaluar dhe tani që ka pasur një vendim gjykate për këtë çështje, tabloidët anglezë në mënyrë të pashmangshme i kanë dhënë një mbulim të gjerë historisë. Gruaja 44-vjeçare pranoi se kishte abuzuar me alkoolin atë mbrëmje dhe se ishte sjellë në mënyrë ngacmuese. Sipas rikonstruksioneve, ajo filloi një sherr pasi i rrëzoi kapelën e bejsbollit një burri, Paul Shortman.
Siç raporton Sun, Rowlands u përzu nga klubi nga rojat, por situata u përkeqësua shpejt kur oficerët e policisë u thirrën në vendngjarje. Në videon e shfaqur në gjykatë, shihet gruaja duke sfiduar në mënyrë agresive oficerët: “Hajde, çfarë kam bërë. Mos u përballni me mua derisa të keni prova. Unë jam si një kafshë kur pi”. Më pas ofendimet vazhduan duke përfshirë edhe “shko q*u”, pak para prangosjes dhe arrestimit.
Para gjykatësit, mamaja e Foden pranoi gjendjen e saj të ‘shpërfytyruar’: “Isha thjesht e dehur”, tha ajo në gjykatë. “Po argëtohesha pak. E kisha bërë me një djalë më parë. Ishte thjesht një shaka. Nuk mund ta besoja se mund të futesha në telashe se i hoqa kapelën dikujt”. Gruaja u shpall e pafajshme për agresion, por u gjobit me 100 £ plus 85 £ të tjera për shpenzimet gjyqësore dhe 40 £ të tjera për pranimin e dehjes dhe sjelljes së çrregullt në një vend publik.
Nuk është hera e parë që mamaja e Foden përfundon në telashe. Në shkurt të vitit 2022 ajo dhe djali i saj u përfshinë edhe në një sherr gjatë një ndeshje boksi në Mançester.